HEBREOS 12:21 - Dios Rimashcata Quillcashcami

²¹ Chaipi ricushca yalli manchaipac cacpimi, Moisesca: «Manchaihuan chucchucunimi» nirca.

Nuevo Testamento en Quichua Cañar 1996

²¹ Paicuna ricucushcaca yallimana manchana cacpimi, Moisespish: “Manchaihuan chucchucunimi” nirca.

HEBREOS 12:21 ပူးပေါင်းရင်းမြစ်များ

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

ÉXODO 19:16

Ña quimsa punzha pacarimucucpica, tulun nishpa, relampa jaguin nishpa, shinallatac amsa puyupish urcuta taparcami. Cutin corneta sinchita tocashcapish uyarircami. Shina uyaricpimi, carpa ucupi tiyac israelcunaca mancharishpa chucchurca.

ÉXODO 19:19

Cornetapi tocashcaca ashtahuan sinchitami uyarishpa catirca. Moisés Dios-huan parlacpica, relampa tulun nicuc shinami, rimashpa cutichirca.

DANIEL 10:17

Ñuca amolla, canta servic ñucaca, ¿imatac canhuan parlai pudishayari? Chaica, can rimashcata uyashpami irquiyashpa, samaitapish mana charini” nircani.

DANIEL 10:8

Shina ricpimi, ñucalla saquirishpa chai mancharinata muscuipi shina ricurcani. Chaipica fuerza illac saquirishpami, yallita irquiyashpa ñahuipish quilluyashca carcani.

DEUTERONOMIO 9:19

Mandac Dios cancunahuan yallita piñarishpa, cancunata tucuchigricucpimi, ñucaca yallita manchaihuan carcani. Shina cacpipish, Mandac Diosca cutinllatacmi ñuca mañashcata uyarca.

HEBREOS 10:27

Ashtahuanpish manchana taripana punzha, rupachishpa chingachic ninallami shuyacun. Chai ninaca Diosta mana cazuccunatami tucuchinga.

APOCALIPSIS 1:17

Chaita ricushpaca, huañushca shinami paipac chaqui pambaman urmarcani. Shina cacpipish paipac alli maquita ñuca jahuapi churashpaca: «Ama mancharichu. Ñucami callarichicpish, tucuchicpish cani.