HEBREOS 12:19 - Dios Rimashcata Quillcashcami

¹⁹ Shinallatac trompeta tocashcatapish, Dios rimashcatapish mana uyarcanguichicchu. Chaita uyaccunaca ama ashtahuan rimarishpa catichunmi mañarca.

Nuevo Testamento en Quichua Cañar 1996

¹⁹ Shinallatac trompeta tocashcatapish, Dios rimashcatapish mana uyarcanguichicchu. Chaita uyaccunaca ama ashtahuan rimarishpa c'atichunmi mañarcacuna.

HEBREOS 12:19 ပူးပေါင်းရင်းမြစ်များ

ÉXODO 20:22

Mandac Diosca Moisestaca: «Israelcunataca: “Jahua pachamanta ñuca shamushpa, cancunahuan parlashcatami ricushcanguichic.

SAN MATEO 24:31

Ñuca angelcunata cachashpami. Paicunami trompetapi sinchita tocashpa, ñuca acllashcacunataca tucui cai pachamanta tandachinga.

1 CORINTIOS 15:52

Shuc rato ñahuita quimllai shinallapimi, tucuri trompeta tocashpa uyaricpica, shuctacyachishca cashun. Trompeta uyaricpica, huañushcacunaca mana cutin huañungapacmi causaringa. Ñucanchicca shuctacyachishcami cashun.

DEUTERONOMIO 18:16

Mandac Diosca cancuna Horeb urcupi paita mañashpa: “Mandac Dios rimashcata mana uyasha ninchicchu. Cai jatun ninatapish mana ashtahuan ricusha ninchicchu, huañushunmi” nishca shinami ruhuanga. Chaipica tucui gentecunami tandanacushca carca.

DEUTERONOMIO 4:11

Chashna nicpimi, cancunaca urcu chaquiman cuchuyarcanguichic. Chai urcuca cielocaman rupashpami yana yana puyuhuan purayashca carca.

DEUTERONOMIO 4:12

Mandac Diosca chai nina chaupimantami cancunataca rimarca. Chai rimashcata uyashpapish, pai ima shina cashcataca cancunaca mana ricurcanguichicchu.

DEUTERONOMIO 4:33

¿Shuc llactapi causaccunaca nina chaupimanta Dios rimashcata cancuna uyashca shina uyashpapish causashpa caticca tiyangachu?

1 TESALONICENSES 4:16

Mandac Dios caparishcapish, angelcunata mandac ángel caparishcapish, shinallatac Diospac trompeta tocashcapish uyaringami. Chashna uyaricpica, Apunchic Jesusllatacmi jahua pachamanta shamunga. Chashna tucucpica, maijanpish Apunchic Jesusta crishpa huañuccunaracmi causaringa.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.