HEBREOS 11:9 - Dios Rimashcata Quillcashcami

⁹ Pai crishcamantami, Dios cushca shucpac llactapi pozashpa causarca. Paica Dios cushami nishcataca chasquic Isaac, Jacobo shinami carpa huasicunapi causarca.

Nuevo Testamento en Quichua Cañar 1996

⁹ Pai crishcamantami, Dios cushami nishca llactapica caru llactamanta cac shina causarca. Paica Isaac shina, Jacobo shinami carpamanta ruhuashca huasicunallapi causarca. Paicunapish Dios cushami nishcataca chasquircacunami.

HEBREOS 11:9 ပူးပေါင်းရင်းမြစ်များ

GÉNESIS 12:8

Chaimantaca Bet-el pueblomanta inti llucshic lado urcuman rishpami, shuc carpa huasita shayachirca. Chaipica Bet-el puebloca inti tigrana ladoman, cutin Hai llactaca inti llucshina ladomanmi saquirirca. Chaipimi cutinllatac shuc altarta ruhuashpa, Mandac Diosta mañarca.

GÉNESIS 13:18

Shina nicpimi, Abramca carpa huasicunata apashpa, encina yuracuna tiyac Mamre pambapi causagrirca. Chaica Hebrón pueblo cuchullapimi carca. Chaipimi Mandac Diosman shuc altarta ruhuarca.

GÉNESIS 13:3

Pai Neguevmanta cutishpaca, ashancaman rishpami, Bet-el puebloman chayarca. Chashnami Bet-el pueblo, Hai llacta chaupipi, ñaupaman carpa huasi cashcallamantac chayarca.

GÉNESIS 17:8

Can causacushca tucui Canaán llactatami canmanpish, cambac huahua huahuacunamanpish, cambac quipa miraicunamanpish huiñaipac cusha. Ñucaca paicunapac Diosmi casha— nirca.

GÉNESIS 18:6

Shina nicpimi, Abrahamca carpa huasi ucuman callpashpa Sarataca: —Chuscu chunga libra alli harinamanta tandata ruhuashpa, utca cusai— nirca.

GÉNESIS 18:9

Chai quipaca runacunaca: —¿Maipitac cambac huarmi Saraca?— nirca. Chashna tapucpimi Abrahamca: —Carpa huasi ucupimi— nirca.

GÉNESIS 21:34

Abrahamca achca punzhacunatami filisteocunapac llactapica causarca.

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

GÉNESIS 25:27

Huahuacunaca huiñarcami. Esauca pambaman llucshishpa, sacha animaltami japinata allita yachacurca. Cutin Jacoboca mana maiman llucshishpa, carpa huasillapimi casilla causarca.

GÉNESIS 28:4

Cai ñucanchic pozashpa causacuc allpata Dios cuchun. Cantapish, cambac huahua huahuacunatapish Abrahamta bendiciashca shina bendiciachun. Cai allpataca Diosmi Abrahamman cusha nirca» nirca.

GÉNESIS 31:25

Labanca Galaad urcupi Jacobo carpa huasicunapi samaricucpimi chayarca. Chaillapitacmi Labanpish, familiacunandi saquirirca.

GÉNESIS 35:27

Jacoboca paipac taita Isaacta ricungapacmi Mamre llactaman rirca. Chai llactaca Arba nishca Hebronmi carca. Chaipimi Abrahampish, Isaacpish causarca.

GÉNESIS 36:7

Esaupish, Jacobopish mai chayuccuna cashcamantami michina pambacunapish ña mana pactarca. Chaimantami chai llactallapitac ishcaitac mana causai pudirca.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

SALMOS 105:12

Paicuna ashalla tucushpa, shucpac llactapi causacucpi,

JEREMÍAS 35:7

Huasicunatapish ama shayachinguichicchu, muyucunatapish ama tarpunguichicchu, uvas chagratapish ama ruhuanguichicchu. Chaicunataca ama charinguichicchu. Ashtahuanpish cancuna causacuc llactapica unai huatacunata causangapacca tucui cancunami carpa huasicunallapi causana canguichic” nirca.

HEBREOS 6:17

Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.