HEBREOS 11:36 - Dios Rimashcata Quillcashcami

³⁶ Cutin shuccunaca burlashpa asishcapish, macashcapish, cadenahuan huatashcapish, carcelpipish carcami.

Nuevo Testamento en Quichua Cañar 1996

³⁶ Cutin shuccunaca burlashpa asishcapish, macashcapish, cadenahuan huatashcapish shinallatac carcelpipish carcacunami.

HEBREOS 11:36 ပူးပေါင်းရင်းမြစ်များ

GÉNESIS 39:20

Chaimantami Joseta japishpa, jatun mandaccunapac prezucunahuan pacta churacpi, paica chaipi saquirirca.

1 REYES 22:24

Shina nicpimi, Quenaanapac churi Sedequías Micaiaspacman cuchuyashpa ñahuipi huactashpaca: —Mandac Diospac espirituca ¿Maijan ñantata ñucamanta anchurishpaca canman huillangapacca rircayari?— nirca.

1 REYES 22:27

Paicunataca: “Jatun mandacca: ‘Cai runata carcelpi churashpa asha tandata, asha yacuta cushpa, ñuca allilla cutingacaman llaquichishpa charicuichic’ ninmi” nigrichic— nirca.

2 REYES 2:23

Chai quipaca Eliseoca Bet-el pueblomanmi rirca. Pai ñanta huichai ricucpimi, chai pueblopi causac maijan huambracuna llucshishpaca: «¡Lluchu uma runami llucshicun! ¡Lluchu uma runami llucshicun!» nishpa burlarcacuna.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

2 CRÓNICAS 18:26

Paicunataca: “Jatun mandacca, Micaiastaca carcelpi churashpa, asha tandata asha yacullata cushpa, ñuca allilla cutimungacaman llaquichishpa charicuichic” ninmi nigrichic— nirca.

2 CRÓNICAS 30:10

Huillangapac riccunaca Efraín, Manasés llactacunamantaca Zabulón llactacamanmi pueblo pueblo huillashpa rircacuna. Ashtahuanpish paicuna huillacpica, burlashpami asircacuna.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

JEREMÍAS 20:2

Chaita uyashpami Jeremiasta macachishpa, Benjamín llacta ladoman llucshina jahua lado pungupi tiyac shuc caspi jutcucunapi chaquita canichishpa prezu churarca. Chai ñanllatatacmi Mandac Diospac huasimanpish rina carca.

JEREMÍAS 20:7

Mandac Dioslla, ñucataca umashcanguimi. Ñucaca can umashcami causacuni. Ñucata yalli sinchi cashpami, ñucata mishangui. Tucuimi punzhanta burlashpa asincuna.

JEREMÍAS 29:26

‘Mandac Diosmi cantaca Joyada curapac randi, paipac huasipi ricuchun, shinallatac maijan juizhu illac runa Dios ima nishcata huillac tucushpa, huillai callaricpi, caspipi chaquita canichishpa prezuchun churarca’ nicurcami.

JEREMÍAS 32:8

Mandac Dios huillashca shinallatacmi ñuca tiopac churi Hanameel cárcel punguman shamushpaca: “Benjamín llactapi tiyac Anatotpi cac ñuca allpata randi. Chai allpaca cambacmi cana can. Chaimanta canmi randina cangui” nirca. Shina nicpimi, chaita randichunca, Mandac Dios mandashcata yachac chayarcani.

JEREMÍAS 36:6

Chaimanta ayunana punzhapi, Mandac Diosta mañana huasiman yaicushpa, ñuca carapi quillcashca Mandac Dios rimashcata gentecunaman rezashpa uyachingui. Tucui Judá llactacunamanta shamushcacunamanpish rezashpa uyachingui.

JEREMÍAS 38:28

Shinami Jeremiasca Jerusalén llactata caldeocuna japingacaman cárcel pungupi tiyacurca.

JEREMÍAS 39:15

Cárcel pungupi prezu tiyacucpi, Mandac Diosca Jeremiastaca:

DANIEL 11:33

Chai llactapi alli yachaccunapish tauca gentecunatami allita yachachinga. Shina cashpapish maijan punzhacunatami espadahuan llaquichishca, rupachishca, prezushca, tucui imata quichushca llaquihuan cangacuna.

SAN MATEO 20:19

mana israelcunaman cungacuna. Paicunaca ñucata pucllashpa asingami. Macashpa, cruzpi chacatashpami huañuchinga. Chashna huañuchicpipish, quimsa punzhapica causarishallami» nirca.

SAN MATEO 21:35

Ashtahuanpish chai serviccuna chayacpica, chai chagrahuan saquiric runacunaca shuctaca macarcami, shuctaca huañuchircami, cutin shuctaca rumihuan shitashpami catishpa cacharca.

SAN MATEO 23:34

Chaimantami Dios ima nishcata huillaccunatapish, alli yachaccunatapish, yachachiccunatapish cachagrini. Paicunamanta maijantaca chacatashpa huañuchinguichicmi. Maijancunataca tandanacuna huasicunapimi macanguichic, shinallatac pueblo pueblotami llaquichishpa puringuichic.

SAN MATEO 27:26

Chashna nicpimi, Pilatoca Barrabasta cacharishpa, Jesustaca azotichishpa cruzpi chacatachun Roma llacta soldadocunaman curca.

MARCOS 10:34

Paicunaca ñucata burlangacunami, macangacunami, tucangacunami, huañuchingacunami. Chashna huañuchicpipish, quimsa punzhapica causarishallami— nirca.

SAN LUCAS 18:32

Ñucataca mana israelcunamanmi cunga. Paicunaca ñucata asishpa burlangami, camishpa tucangami.

SAN LUCAS 23:11

Herodespish, paipac soldadocunapish Jesusta burlashpa, asishpami, jatun mandac churana sumac churanata churachirca. Chashnami Pilatopacman cutichishpa cacharca.

SAN LUCAS 23:36

Soldadocunapish vinagreta ubiachisha nishpa burlashpaca:

HECHOS 21:33

Chai mandac chayashpami, Pablota japishpa, ishcai cadenacunahuan huatachun mandarca. Chashna huatachishpami, Pablo pi cashcata, imata ruhuacushcata gentecunaman tapurca.

HECHOS 24:27

Ña ishcai huata tucucpica, Felixca pai mandacushcamanta llucshircami. Chaimantami Porcio Festoca mandac tucurca. Felixca israelcunahuan alli ricurisha nishpami, Pablotaca prezullatac saquirca.

HECHOS 4:3

Chaimantami paicunata japishpa, cayandi tutamantacaman carcelpi churarca. Ña chishi cashcamantami chashna ruhuarca.

HECHOS 5:18

Shinami apostolcunataca japishpa, carcelpi churarca.

HECHOS 5:40

Gamaliel chashna nishcata uyashpami, apostolcunataca cutin yaicuchishpa azotichirca. Chashna azotichishpami ama cutin Jesusmanta huillachun mandashpa cacharca.

HECHOS 8:3

Ashtahuanpish Sauloca tandanacushca criccunata tucui chingachinata munashpami, huasi huasi yaicushpa, caricunatapish, huarmicunatapish, carcelman cachac carca.

EFESIOS 3:1

Chaimantami ñucaca Jesucristopacta ruhuacushcamanta, cancuna mana israelcunapac allipac caipi prezu cani.

EFESIOS 4:1

Ñuca Apunchic Jesuspacta ruhuacushcamanta prezu tiyacushpami cancunataca: Dios ima shina causachun cayashca shina causaichic.

2 TIMOTEO 1:16

Apunchic Jesusca Onesiforotapish, tucui paipac huasi ucupi causaccunatapish mai llaquichun ninimi. Paimi ñuca prezu cacpica, tauca cutin mana pingashpa ñucata ricuc shamushpa cushichic carca.

2 TIMOTEO 2:9

Chaita huillacushcallamantami huañuchicta shina cadenahuan huatashca llaquita apacuni. Shina cacpipish Diosmanta huillanaca mana huatashcachu.

HEBREOS 10:34

Carcelpi caccunamantaca yallita llaquirircanguichicmi. Cancuna jahua pachapi huiñai huiñaipac tucuimanta yalli allita charishcamantami ima charishcata quichucpipish, cushilla carcanguichic.

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

JUECES 16:25

Paicunaca tucui shunguhuan cushilla cashpami: —Sansonta burlashpa asingapac llucchimugrichic— nircacuna. Sansonta burlashpa asingapacmi, carcelmanta llucchishpa, jatun huasi ishcai pilar chaupipi shayachircacuna.