HEBREOS 11:27 - Dios Rimashcata Quillcashcami

²⁷ Crishcamantami Moisesca jatun mandac Faraón piñarinatapish mana manchashpa, Egipto llactamanta llucshirca. Pipish mana ricushca Diosta ricuc shinami llucshirca.

Nuevo Testamento en Quichua Cañar 1996

²⁷ Crishcamantami Moisesca jatun mandac Faraón p'iñarinatapish mana manchashpa, Egipto llactamanta llucshircalla. Pipish mana ricushca Diosta ricushca shina crishpami, chai yuyailla carca.

HEBREOS 11:27 ပူးပေါင်းရင်းမြစ်များ

SALMOS 16:8

Ñuca causaipica Mandac Diostami tucuipac ñaupapi churani. Pai ñuca alli ladopi cacpica, imapish mana cuyuchingachu.

ÉXODO 11:8

Chaimantami tucui canta serviccunaca ñucapac ñaupapi cungurishpa: “Canpish, tucui canta caticcunapish llucshishpa richic” ninga. Chai quipaca ñucapish rishallami— nirca. Shina nishpami, Moisesca yallita piñarishpa, Faraonpacmanta llucshirca.

ÉXODO 12:11

Cancunaca chai aichataca alli chumbillishpa, chaquipipish ushutata churarishpa, shinallatac tauna caspita maquipi apashpami, utcashpa micuna canguichic. Chai tutaca Mandac Dios ñucapac Pascuami canga.

ÉXODO 12:50

Israelcunaca Mandac Dios Moisestapish, Aarontapish mandashca shinallatacmi tucuita ruhuarca.

ÉXODO 4:19

Madianpi cacpimi, Mandac Diosca Moisestaca: —Canta huañuchishun niccunaca tucuimi huañurca. Chaimanta Egiptoman cutishpa rilla— nirca.

SAN MATEO 10:22

Ñucamantami tucui gentecunapac piñashca canguichic. Maijanpish tucuringacaman llaquita apacmi quishpiringa.

SAN MATEO 24:13

Chaica, pipish tucuricaman llaquicunata apactaca quishpiringami.

MARCOS 13:13

Ñucamantami tucuipac piñashca canguichic. Chashna piñacpipish, tucuringacaman llaquita apacca quishpiringami.

MARCOS 4:17

Shina cashpapish, mana sapiyuc shina cashcamantami, llaquicuna japicpi, mana cashpaca alli huillaita crishcamanta gentecuna piñacpica, crinata saquincunalla.

HECHOS 2:25

David Jesusmanta huillashpaca: “Ñucata Mandac punzhanta ñucahuan cactami ricuni. Paica ñuca alli ladopimi. Chaimanta ñucataca pi mana urmachingachu.

1 CORINTIOS 13:7

Shinallatac ima llaquitapish apacmi, crishpa caticmi, cushicushpa shuyac, imamantapish mana piñarishpa jarcaricmi.

2 CORINTIOS 4:18

Ñucanchicca cai pachapi ima ricunalla tiyashcacunapica mana yuyaita churanchicchu, ashtahuanpish mana ricushcacunapimi yuyaita churanchic. Chai imapish ricushcacunaca chingarinllami, ashtahuanpish chai mana ricushcacunaca huiñaipacmi can.

COLOSENSES 1:15

Cristota ricushpami, mana ricsishca Diostaca ricunchic. Paica imapish manarac tiyacpi, ña tiyashca Diospac Churimi.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

HEBREOS 10:32

Ñaupa punzhacuna Dios yuyaita achicyachicpi, yalli llaquicunata apashcataca cancunallatac yachanguichicmi.

HEBREOS 11:1

Crinaca manapish ricushcata japinata yuyanami. Mana ricushcata “chai shinami canga” ninami.

HEBREOS 11:13

Tucui chai gentecunami Dios cushami nishcacunata manarac chasquishpa huañurcacuna. Paicunaca crishcamantami, carullamanta alabaduc shina, shuctac llacta gentecuna shina, cai pachapi puriccuna shina cashcatapish paicunallatac huillarcacuna.

HEBREOS 6:15

Abrahamca cushicushpa piñarishpa, shuyacushpami, Dios cusha nishcataca chasquirca.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.