HEBREOS 11:25 - Dios Rimashcata Quillcashcami

²⁵ Juchata ruhuashpa, ashacamanlla cushicunapac randica, Diospac huahuacunahuan llaquita apanatami munarca.

Nuevo Testamento en Quichua Cañar 1996

²⁵ Juchata ruhuashpa, ashacamanlla cushicunapac randica, Diospac huahuacunahuan llaquita apanatami munarca.

HEBREOS 11:25 ပူးပေါင်းရင်းမြစ်များ

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

JOB 36:21

Cutinllatac millaita ruhuanamantaca cuidaringui. Chai mana allita ruhuashcamantami llaquita apacungui.

SALMOS 47:9

Llactacunata mandaccunaca Abrahampac Dios acllashcacunahuanmi tandanacushca.

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

ISAÍAS 21:4

Ñuca shunguca upayanmi. Manchaillami causani. Ñuca munashca tutayana chishica manchanami tucun.

DANIEL 3:18

Jatun mandaclla, pai mana quishpichicpipish ñucanchicca cambac diosta mana servishunchu. Can ruhuashca runaman ricchata cumurishpa mana adorashunchu— nirca.

SAN MATEO 13:21

Chaica, mana shungupi sapiyashca cashpami, llaquicuna japicpi, mana cashpaca alli huillaita chasquishcamanta piñacpica cutirinlla.

SAN LUCAS 16:25

Chashna caparicpimi Abrahamca: “Huahua, can causacushpa allita causashcata yuyari. Ashtahuanpish Lazaroca llaquitami causarca. Cunanca caipica cushicushpami tiyacun.

HECHOS 7:34

Egiptopi ñuca acllashca israelcuna llaquihuan causacuctami ricuni. Paicuna huacacuctapish uyanimi. Chaimantami llaquimanta llucchingapac shamurcani. Cunanca shamui, cantami Egiptoman cachagrini” nirca.

ROMANOS 5:3

Mana chaillachu, ashtahuanpish llaquita apashcamantapishmi cushicunchic. Chai llaquicuna mana piñarina yuyaita cuc cashcatami yachanchic.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

COLOSENSES 1:24

Cunanca, cancunamanta llaquita apacushcamantaca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

2 TIMOTEO 1:8

Chashna cashcamanta ñucanchic Apunchic Jesucristomanta huillanatapish, huillacushcamanta ñuca prezu tiyacushcamantapish ama pinganguichu, ashtahuanpish alli huillaita huillacushcamanta llaquita apana cacpica, Diospac poderhuan ñuca shina llaquita apanguilla.

HEBREOS 10:32

Ñaupa punzhacuna Dios yuyaita achicyachicpi, yalli llaquicunata apashcataca cancunallatac yachanguichicmi.

HEBREOS 11:37

Cutin shuccunaca rumihuan shitashpa huañuchishcapish, shuccunaca serruchuhuan pitishpa huañuchishcapish, espadahuan huañuchishcapish carcami. Oveja cara, chivo cara churarishcami huacchayashpa, caiman chaiman manchaihuan llaquilla puricurcalla.

HEBREOS 4:9

Chaimantami Diospac huahuacunamanca shuc samarina tiyanrac.

SANTIAGO 1:20

Pipish piñaricca, Dios munashcataca mana ruhuanchu.

SANTIAGO 5:5

Cancunaca cai pachapica munanayaita ruhuashpami yallita alli causashcanguichic. Yalli micushpami huañuchina punzha chayacpi, huañuchina huagracuna shina huirayashcanguichic.

1 PEDRO 2:10

Cancunaca ñaupaca Diospac acllashcacunaca mana carcanguichicchu. Ashtahuanpish cunanca Diospac huahuacunami tucushcanguichic. Ñaupaca Dios mana llaquishcami carcanguichic. Cunanca Dios llaquishcami canguichic.

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.