HEBREOS 11:23 - Dios Rimashcata Quillcashcami

²³ Crishcamantami Moisés huacharicpica, paipac taita mamaca alaja huahua cashcata ricushpa, quimsa quillata pacashpa charirca. Jatun mandac tucui cari huahuacunata huañuchichun mandacpipish, mana mancharcacunachu.

Nuevo Testamento en Quichua Cañar 1996

²³ Crishcamantami Moisespac taita mama alaja huahua cashcata ricushpa, quimsa quillata Moisés huacharicpica, pacashpa churarcacuna. Shinallatac jatun mandac tucui huahuacunata huañuchinami nicpipish, mana mancharcacunachu.

HEBREOS 11:23 ပူးပေါင်းရင်းမြစ်များ

SALMOS 118:6

Mandac Diosca ñucahuanmi. Maijan ñucata llaquichinamantaca mana manchashachu.

SALMOS 56:4

Can Diospac rimashcatami alabani. Canpimi shunguta churani. ¿Huañuclla gentecunaca imatatac ruhuai pudingayari?

ÉXODO 1:16

—Ima horas cancuna Israel huarmicunata sajuarichicucpi, cari huahua huacharicpica huañuchinguichic. Cutin huarmi cacpica, saquinguichiclla— nirca.

ÉXODO 1:22

Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

DANIEL 6:10

Danielca chai mandashpa quillcashcapi jatun mandacpac shutita churashcata yachashpami paipac huasiman rishpa, Jerusalén ladoman ventanata pascashpa utcapi ima shina mañac cashca shinallatac cada punzha quimsa cutin paipac Diosta pagui nishpa mañarca.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

HECHOS 7:20

Chai punzhacunapimi Moisesca huacharirca. Paica Diospac alli nishcami carca. Quimsa quillatami paipac taita mamaca huasipi pacashpa charirca.

HEBREOS 13:6

Chaimantami tucui shunguhuan: «Mandac Diosca ñucata ayudacmi. Pipish ñucata imata ruhuanamantaca mana manchanichu» ni pudinchic.