HEBREOS 11:13 - Dios Rimashcata Quillcashcami

¹³ Tucui chai gentecunami Dios cushami nishcacunata manarac chasquishpa huañurcacuna. Paicunaca crishcamantami, carullamanta alabaduc shina, shuctac llacta gentecuna shina, cai pachapi puriccuna shina cashcatapish paicunallatac huillarcacuna.

Nuevo Testamento en Quichua Cañar 1996

¹³ Tucui chai gentecunami Dios cushami nishcacunata manarac chasquishpa huañurcacuna. Shina cashpapish paicuna crishcamantami, carullamanta alabaduc shina ricurcacuna. Chashnami shuctac llactamanta caccuna shina cashcatapish, shinallatac cai pachapi puriccunalla shina cashcatapish paicunallatac huillarcacuna.

HEBREOS 11:13 ပူးပေါင်းရင်းမြစ်များ

GÉNESIS 21:34

Abrahamca achca punzhacunatami filisteocunapac llactapica causarca.

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

GÉNESIS 25:8

Abrahamca achca huatacunata causashpa, yallita yuyacyashpami, paipac samaita chingachishpa huañurca. Chashna huañushpami, paipac aillucunahuan tandanacugrirca.

GÉNESIS 47:9

Shina tapucpimi Jacoboca: —Caipi, chaipi purishpa causashca huatacunaca patsac quimsa chunga huatami can. Ñucapac causai huatacunaca asha mana alli huatacunami cashca. Ñuca ñaupa taitacuna causashca shina, unai huatacunataca mana causashachu— nirca.

GÉNESIS 48:21

Quipaca taita Israelca Josetaca: —Ñucaca ña huañunallami cani. Shina cacpipish, Diosca cancunahuanmi. Paimi cancunataca, cancunapac ñaupa taitapac llactaman cutin pushanga.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

GÉNESIS 49:18

¡Mandac Dioslla, can quishpichichunmi shuyacuni!

GÉNESIS 49:28

Paicunaca taita Israelpac chunga ishcai aillucunami. Paicunatami shucllancaman bendiciashpa chashna nirca.

GÉNESIS 49:33

Jacobo tucui paipac churicunata mandashpaca, cutin camapi siririshpami, changacunata tandashpa, ñaupa taitacunahuan tandanacugrirca.

GÉNESIS 50:24

Chai quipaca Joseca paipac huauquicunataca: —Ñucaca ñallami huañusha. Shina cacpipish, Dios shamushpami, cai llactamanta llucchishpa Abrahamman, Isaacman, Jacoboman cungapac ari nishca allpaman pushanga— nirca.

JOB 19:25

Ñucata quishpichic Dios causacushcataca yachanimi. Ñuto allpamanta jatarina cashcatapish yachanimi.

SALMOS 119:19

Cai pachapica shamushpallami causacuni. Ñuca ñaupamanta can mandashcacunata ama pacaichu.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

ÉXODO 2:22

Chai huarmica shuc cari huahuatami charirca. Chai huahuataca: «Shucpac llactapi pozashpa causacllami cani» nishpami, Gersonta shutichirca.

LEVÍTICO 25:23

Allpaca ñucapacmi. Chaimanta ama tucui causaipac catunguichicchu. Cancunaca shuctac llactamanta shamushpa pozac shinallami canguichic.

NÚMEROS 10:30

Shina nicpimi Hobabca: —Mana, ñucaca mana rishachu. Ñucaca, ñuca aillupacman, ñuca llactamanmi cutisha— nirca.

NÚMEROS 24:17

Ñucaca paita cunan mana ricushpapish, quipaman ricushami. Ricushpapish mana cuchumanta ricushachu. Jacobopac churicunamantaca shuc luceromi llucshinga. Paicunamantaca jatun mandac varayucmi llucshinga. Paimi Moabpi causaccunata ringripi huactashpa, cutin Setpac churicunataca umapi llapishpa tucuchinga.

SAN MATEO 13:17

Dios ima nishcata huillaccunapish, cashcata ruhuaccunapish, cunan cancuna ricushcataca ricusha nishpapish mana ricurcachu. Uyasha nishpapish, mana uyarcacunachu. Chaica chashnatacmi.

SAN JUAN 12:41

Isaiasca Jesuspac sumaimana cashcata ricushpami, paimanta chashna huillarca.

SAN JUAN 8:56

Taita Abrahamca ñuca cai pachaman shamuna punzhata ricushpami cushicurcami. Ña ricushpaca, ashtahuanmi cushicurca— nirca.

ROMANOS 4:21

Abrahamca: “Diosca, pai cusha nishcata cungapac poderta charinmi” nishpami shuyacurcalla.

ROMANOS 8:24

Chaita shuyacushpami quishpirishca canchic. Shina cacpipish, chai shuyacushcata ricushpaca, mana shuyanachu can. Ña ricushcataca, ¿pitac shuyangayari?

2 CORINTIOS 4:18

Ñucanchicca cai pachapi ima ricunalla tiyashcacunapica mana yuyaita churanchicchu, ashtahuanpish mana ricushcacunapimi yuyaita churanchic. Chai imapish ricushcacunaca chingarinllami, ashtahuanpish chai mana ricushcacunaca huiñaipacmi can.

2 CORINTIOS 5:6

Chaimantami ñucanchicca chaipi shunguta churashpa causacunchic. Cai cuerpohuan causacushpaca, carupimi Apunchic Jesusmanta causacunchic.

EFESIOS 2:19

Chaimanta cancunaca ña mana shuctac llactamanta shamushca shinachu canguichic, ashtahuanpish Diospaclla caccunapura cashcamantami Diospac huahuacunapura tucushcanguichic.

HEBREOS 11:14

Paicunaca quiquin llactata shuctac llactapi mashcacushcatami ricuchincuna.

HEBREOS 11:17

Abrahamca crishcamantami, Dios ima shina cric cashcata ricusha nicpica, paipac shuclla churi cacpipish,

HEBREOS 11:27

Crishcamantami Moisesca jatun mandac Faraón piñarinatapish mana manchashpa, Egipto llactamanta llucshirca. Pipish mana ricushca Diosta ricuc shinami llucshirca.

HEBREOS 11:39

Paicunaca crishcamanta Dios alli nishca cashpapish, Dios cushami nishcataca mana chasquircachu.

1 PEDRO 1:1

Ñucaca Jesús acllashca apóstol Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

1 JUAN 3:19

Chashnami cashcata ruhuacpac cashcata yachashpa, Diospac ñaupapi alli cashcatapish yachashun.