HEBREOS 10:4 - Dios Rimashcata Quillcashcami

⁴ Huagracunapac, chivocunapac yahuarpish juchacunataca mana anchuchi pudinchu.

Nuevo Testamento en Quichua Cañar 1996

⁴ Huagracunapac yahuarpish, chivocunapac yahuarpish juchacunataca mana anchuchi pudinchu.

HEBREOS 10:4 ပူးပေါင်းရင်းမြစ်များ

SALMOS 51:16

Animalta canman cushpa huañuchichunpish, animalta canman cushpa tucui rupachichunpish mana munanguichu.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

JEREMÍAS 6:20

¿Imapactac Sabá llactamanta inciensota apamunguichic? ¿Imapactac caru llactamanta mishquilla ashnacuc huiruta apamunguichic? Cancuna tucui rupachishcatapish, Cancunapac ofrendatapish mana munanichu nini» ninmi.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

OSEAS 6:6

Ñucaman animalta huañuchinapac randica, ñucata cuyachunmi munani. Animalta tucui rupachinapac randica, ñucata ricsichunmi munani.

MARCOS 12:33

Diosta tucui shunguhuan, tucui yuyaihuan, tucui almahuan, tucui munaihuan cuyanaca allimi. Chashnallatac quiquin cuyaric shinallatac shuccunatapish cuyanaca allimi. Cai ishcai mandashcacunata pactachinami, rupachina ofrendatapish ashtahuan yalli allica— nirca.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

ROMANOS 11:27

Diosca: “Paicunapac juchacunata anchuchingapacmi, ari nircani” nin» ninmi.

HEBREOS 10:1

Moisés mandashcacunaca Dios quipata allita cugricushcata ricuchicllami, ashtahuanpish mana chai shamuc shinachu. Chaimantami Moisés mandashcacunata pactachishpa, huatanta animalta rupachishpaca, Diospac ñaupapi jaicapi mana jucha illac cai pudin.

HEBREOS 10:11

Tucui curacunami, punzhanta animalta rupachishpa, Diosman cuncuna. Shina cacpipish, caicunaca jaicapi juchacunataca mana pichanchu.

HEBREOS 10:8

Ñaupa quillcachishcapica: “Animalta Diosman cushpa huañuchishcatapish, ofrendacunatapish, juchacunata anchuchingapac animalta cushpa rupachishcatapish mana munanchu, paitaca mana cushichinchu” ninmi.

HEBREOS 9:9

Caicunaca cunan punzhacunapi yuyaita japingapacmi. Chaica juchacunamantaca animalta Diosman cushpapish, ofrendata cushcapish quiquin yuyaipi juchayuc cashcatami yuyachin.

1 JUAN 3:5

Jesucristo ñucanchic juchacunata anchuchingapac cai pachaman shamushcataca yachanguichicmi. Paica ima juchata mana charinchu.