HEBREOS 10:28 - Dios Rimashcata Quillcashcami

²⁸ Moisés mandashcata maijan mana cazucucta ishcai, mana cashpa quimsa ricuc tiyacpica, mana llaquishpami huañuchina can.

Nuevo Testamento en Quichua Cañar 1996

²⁸ Moisés mandashcata mana cazuctaca ishcai cashpa, quimsa cashpa pai mana allita ruhuashcata huillaccuna tiyacpica, mana llaquishpami huañuchina can.

HEBREOS 10:28 ပူးပေါင်းရင်းမြစ်များ

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

2 SAMUEL 12:9

¿Ima nishpatac ñuca nishcataca mana uyashpa, ñucapac ñaupapi mana allita ruhuarcangui? Heteopuramanta Uriaspac huarmita japingapacmi Uriastaca huañuchircangui. Canca Amón llacta gentecunapacman cachashpami huañuchichishcangui.

ISAÍAS 27:11

Chai ramacuna chaquicpica, paquishpami saquinga. Chaicunataca huarmicunami yantashpa rupachinga. Cai gentecunaca mana entendincunachu. Chaimantami paicunata ruhuac Diosca manatac llaquinga. Paicunata ruhuac Diosca mana llaquishpami llaquichinga.

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

NÚMEROS 15:36

Chashna nicpimi, tandanacushca israelcunaca carpa huasimanta canzhaman apashpa, Mandac Dios Moisesta nishca shinallatac huañungacaman rumihuan shitarca.

SAN MATEO 18:16

Can rimashcata mana uyacpica, shucta, mana cashpaca ishcaita pushashpa ringui. Ishcai, mana cashpaca quimsa rishpa uyashpami, cierto cashcata huillanga.

SAN JUAN 8:17

Moisés mandashcacunapica: “Ishcai huillaccuna tiyacpimi, cierto cashcata yachana” ninmi.

ROMANOS 9:15

Diosca Moisestaca: «Maijanta ñuca llaquisha nishcatami llaquisha, maijanta ñuca cuyasha nishcatami cuyasha» nishcami.

2 CORINTIOS 13:1

Caihuanca quimsa cutinmi cancunata ricungapac rigrini. Tucui imatapish ishcai cashpa, quimsa cashpa imata ricushcata huillac tiyacpimi, allichishca canga.

DEUTERONOMIO 19:13

Chai runataca ama llaquinguichicchu. Chashna ruhuacpimi, israelpurapica manapish faltayucpac yahuarta jichacca mana tiyanga. Shinallatac cancunapish allita causanguichic.

DEUTERONOMIO 19:15

Ima llaquita, mana cashpaca ima juchata ruhuashcata shuc testigolla huillacpica, mana imata ruhuanachu can. Ashtahuanpish ishcai, mana cashpaca quimsa runa ricushpa huillacpimi, imatapish ruhuana can.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HEBREOS 2:2

Dios paipac angelcunaman huillachishcaca, mana llullachu carca. Chaimantami maijanpish juchallishpa mana cazuccunataca, llaquichina cashca shinallatac llaquichishca carca.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.