HEBREOS 10:27 - Dios Rimashcata Quillcashcami

²⁷ Ashtahuanpish manchana taripana punzha, rupachishpa chingachic ninallami shuyacun. Chai ninaca Diosta mana cazuccunatami tucuchinga.

Nuevo Testamento en Quichua Cañar 1996

²⁷ Ashtahuanpish chashna ruhuaccunamanca manchanayai taripana punzha, shinallatac rupachishpa chingachic ninallami shuyacun. Chai ninaca Diosta mana cazuccunatami tucuchinga.

HEBREOS 10:27 ပူးပေါင်းရင်းမြစ်များ

SALMOS 21:9

Can piñarishpaca nina japiricuc hornopi churac shinami paicunataca llaquichingui. Mandac Dios piñarishpami paicunataca nina rupachic shina tucui tucuchinga.

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 33:14

Sión llactapimi juchasapacunaca chucchuncuna. Chashna chucchushpaca: «Ñucanchicpuramantaca, ¿pitac tucuchic ninapi causai pudingayari? Ñucanchicpuramantaca, ¿pitac huiñai huiñaita rupacuc ninapica causai pudingayari?» ninacun.

JEREMÍAS 4:4

Judá llactapi causaccunalla, Jerusalenpi causaccunalla, circuncisionta ruhuashpa, cancunapac shungumanta asha carata pitic shina, ñucapacman cuichic. Cancuna mana allita ruhuashcamantaca pacta nina japiric shina piñariman. Chai piñarishca nina shinataca pi mana huañuchi pudingachu nini» ninmi.

EZEQUIEL 36:5

Chaimantami Mandac Dios ñucaca: Shuctac llactapi causaccunapish, Edom llactapi causaccunapish, ñuca llactataca cushicushpami japirca. Chaipi causaccunata yallita piñashpami, prezu aparca. Chaimantami ñucaca nina japiric shina yallita piñarishpa rimarcani.

EZEQUIEL 38:19

Chai punzhacunapi nina japiric shina ñuca piñaricpimi, Israel llactapica yallita allpa chucchui tiyanga.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

JOEL 2:30

Jahua pachapipish, cai pachapipish jatun mancharinacunatami ricuchisha. Huañuipish, llactacuna rupashpa, cushni llucshicucpish tiyangami.

NAHÚM 1:2

¡Mandac Diosca, paipaclla cachun munacmi! Ima shina paita llaquichishca shinallatac llaquichicmi. Paita mana ricunayachiccunata llaquichicmi, paita piñaccunata piñacmi.

SOFONÍAS 1:18

Mandac Dios piñarishpa llaquichi punzhapica paicunapac cullquipish, curipish mana quishpichingachu. Tucui cai pachataca nina japiric shinami tucuchinga. Cai pachapi causaccunataca cungaillami tucuchinga.

SOFONÍAS 3:8

Chaimanta llaquichina punzha chayangacaman shuyaichic. Ñucaca tucui llactacunata tandachingapac, jatun mandaccuna mandana llactacunata nina japiric shina llaquichinatami yuyarircani. Chaimantami nina japiric shina piñarishpa, tucui cai pachata tucuchisha. Chaitaca Mandac Dios ñucami nini.

MALAQUÍAS 4:1

Mandac Diosca: «Rupacuc horno shina punzhami ña chayamucun. Chai punzhapica jatun tucushpa puriccunapish, mana allita ruhuaccunapish chaquishca ucsha shinami rupanga. Chai rupacuc punzha chayamushpami rupachishpa, sapillatapish, shuc ramallatapish mana saquishpa rupachinga.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

SAN MATEO 13:42

Chashna tandachishpami nina hornopi shitanga. Chaipimi huacaihuan quiru caniringa.

SAN MATEO 13:50

jatun ninapi shitanga. Chaipimi huacaihuan quiru caniringa— nirca.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 3:10

Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

SAN MATEO 3:12

Paica huairachinahuanmi trigota tamomanta chicanyachic shina ñalla chicanyachinga. Granotaca huacaichinapimi huacaichinga. Cutin tamotaca jaicapi mana huañuc ninapimi rupachinga» nirca.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

SAN LUCAS 16:24

Chaimanta chayuc runa caparishpaca: “¡Taita Abrahamlla, ñucata llaquiyari! Ñucaca cai ninapimi llaqui nanaihuan apacuni. Chaimanta Lazarota cachai, paipac dedota yacupi satishpa, ñuca callullatapish chiriyachichun” nirca.

SAN LUCAS 19:27

Cutin, ñucata piñashpa mana mandac cachun munaccunataca apamushpa, ñuca ñaupapi huañuchichic” nircami» nirca.

SAN LUCAS 21:26

Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga.

SAN LUCAS 23:30

Chaimantami urcucunataca: “Ñucanchic jahuapi tuñiri” cutin lomacunataca: “Ñucanchicta tapai” ningacuna.

SAN JUAN 5:29

Allita ruhuaccunaca causaita japingapacmi causaringacuna, ashtahuanpish mana allita ruhuaccunaca Dios juchanchishca cangapacmi causaringacuna.

DEUTERONOMIO 32:43

¡Llactacunalla, Dios acllashca llactata alli nichicyari! Paipac servicta huañuchiccunataca huañuchingami. Paimi, paita piñaccunata huañuchinga. Pai acllashca llactacunapac juchata pichangapacmi chashnaca ruhuanga» nirca.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

HEBREOS 12:29

Chaica, ñucanchic Diosca tucuita rupachic nina llama shinami.

HEBREOS 2:3

Shina cacpica, sumac quishpirinata yangapi churashpaca, ¿ima shinatac jatun llaquimantaca quishpirishunyari? Cai quishpirinataca Apunchic Jesusmi punta huillarca. Pai huillashcata uyaccunami chashnatac cashcata huillarca.

HEBREOS 9:27

Shinallatac tucuimi shuc cutinlla huañuna canchic. Chai quipami, Dios taripana punzhaca shamunga.

SANTIAGO 5:3

Cancuna charishca curipish, cullquipish mujusyashcami. Chai mujusyashcallatacmi, cancuna mana alli cashcataca ricuchishpa, nina shina llaquichinga. Cancunaca cai tucuri punzhacunapami, charinacunataca yallita tandachishcanguichic.

APOCALIPSIS 20:15

Huiñaita causangapac rina libropi mana quillcashca cacca, rupacuc nina cuchapimi shitashca carca.

1 SAMUEL 2:25

Maijanpish shuc runata piñashpa llaquichicpica, juezcunami allichinga. Ashtahuanpish Mandac Diosta piñashpa juchata ruhuacpica, ¿pitac allichingayari?— nirca. Shina nicpipish, paicunaca taita rimashcataca mana uyasha nircacunachu. Chaica Mandac Diosllatac causaita paicunamanta quichugricucpimi mana uyarca.