HEBREOS 10:20 - Dios Rimashcata Quillcashcami

²⁰ Jesucristo huañushpami, Diospaclla chicanyachishca ucuman yaicuna jarcashca pañota anchuchirca. Chashnami causaita cuc mushuc ñanta pascarca.

Nuevo Testamento en Quichua Cañar 1996

²⁰ Causaita cungapacca, mushuc ñanta cuc shinami Jesucristollatac Diospaclla ch'icanyachishca ucuman yaicuna jarcashcataca anchuchirca. Quiquinlla huañushpami, chashna pactachirca.

HEBREOS 10:20 ပူးပေါင်းရင်းမြစ်များ

LEVÍTICO 16:15

Chai quipaca israelcuna juchata pichachun cushca ovejata huañuchishca yahuartaca cari becipac yahuarhuan ruhuashca shinallatacmi pañohuan jarcachishca ñucapaclla chicanyachishca ucuman apamushpa, tapa jahuapipish, ñaupa ladopipish chirapanga.

LEVÍTICO 16:2

«Cambac huauqui Aarontaca ama ima horaspish pañohuan jarcashca huashapi cac mandashcacunata huacaichina Arcata catashca, ñucapaclla ucuman yaicuchun ningui. Chaiman ima horaspish yaicushpaca huañungami. Ñucaca chai catashca jahuapimi puyupi ricurisha.

LEVÍTICO 21:23

Ashtahuanpish paica lisiadomi. Chaimanta ñucapaclla chicanyachishca ucuta jarcachishcataca mana pasai pudinchu. Altarmanpish mana cuchuyai pudinchu. Shinami ñucapaclla chicanyachishca ucutaca mana mapayachinga. Ñucaca Mandac Diosmi cani. Ñucami ñucapaclla cachun chicanyachic cani” ningui» nirca.

SAN MATEO 27:51

Chai ratomi Diosta mañana huasi tiyac lienzoca, jahuamanta uraiman chaupita lliquirirca. Allpapish chucchurcami, jatun rumicunapish chictarircami.

MARCOS 15:38

Jesús huañucpica, Diosta mañana huasi ucupi jarcachishca jatun lienzoca jahuamanta uraimanmi chaupita lliquirirca.

SAN LUCAS 23:45

Intipish amsayarcami. Diosta mañana huasi ucupi cac jatun pañopish, jahuamanta uraiman chaupita lliquirircami.

SAN JUAN 10:7

Jesús cutinllatac rimashpaca: —Ñucami ovejacuna yaicuna punguca cani. Chaica chashnatacmi can.

SAN JUAN 10:9

Ñucami punguca cani. Maijanpish ñucamanta yaicucca quishpiringami. Paica llucshic, yaicucmi puricunga. Micunatapish taringami.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

EFESIOS 2:15

Cristoca pai huañushpami, Moisés mandashcacunatapish, ima ruhuanacunatapish cazunamanta anchuchirca. Chashnami Israelmantapish, mana Israelmantapish paihuan tandachishpa shuc shinallatac ruhuarca. Chai shinami sumac apanacuica tiyan.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

HEBREOS 6:19

Cai shuyacushca yuyaica, barcota charic llashac fierro anclas shinami, ñucanchic yuyaitaca alli sinchita charicun. Cai shuyacushcami, ñucanchictaca jahua pacha Diosta mañana huasipi tiyac, lienzo paño jarcashca Diospaclla ucuman yaicuchin.

HEBREOS 9:3

Quipa jarcachishca ucuca Diospaclla chicanyachishca ucumi carca.

HEBREOS 9:8

Chaica Diospac Espiritumi, Diospaclla ucupi tiyacpica, Diospaclla chicanyachishca ucuman manarac yaicuna tiyashcata entendichirca.

1 PEDRO 3:18

Cristoca ñucanchic juchacunamantami, ñucanchicta Diospacman pushangapac, manapish juchayuc cashpa, millaicunamanta llaquita apashpa shuc cutinlla huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 JUAN 4:2

Diospac Espirituhuan cashcataca cai shinami yachana canguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.

2 JUAN 1:7

Cai pachapica llullashpalla huillaccunaca achcacunami puricuncuna. Paicunaca: “Apunchic Jesucristoca mana runa tucushpachu shamurca” nishpami, llullashpa huillancuna. Chaicunaca Apunchic Jesucristota piñaccunami.