HEBREOS 10:11 - Dios Rimashcata Quillcashcami

¹¹ Tucui curacunami, punzhanta animalta rupachishpa, Diosman cuncuna. Shina cacpipish, caicunaca jaicapi juchacunataca mana pichanchu.

Nuevo Testamento en Quichua Cañar 1996

¹¹ Tucui Israel*f** curacunami, punzhanta chaillatatac chaillatatac animalcunata rupachishpa, Diosman cuncuna. Shina cacpipish caicunaca jaicapi juchacunataca mana anchuchinchu.

HEBREOS 10:11 ပူးပေါင်းရင်းမြစ်များ

ÉXODO 29:36

Punzhanta juchamanta shuc becita ñucaman cushpa huañuchingui. Chashnami ñucapaclla altar juchahuan mapayashcataca pichangui. Shinallatac aceitehuan cahuishpa ñucapacllata ruhuangui.

ISAÍAS 1:11

Mandac Diosca: «Cancuna achca animalcunata ñucaman cushpa, huañuchishcapish, ¿ñucamanca imapactac valin? Cari ovejacunata cushpa, tucui rupachishcatapish, huira animalcunapac huirata rupachishcatapish ñucaca millanimi. Huagracunata, cari ovejacunata, chivocunata huañuchishpa, cushca yahuartapish mana munanichu.

EZEQUIEL 45:4

Chai allpami ñucapaclla chicanyachishca allpaca canga. Chaipi ucupimi curacunaca Mandac Diosta serviccunapac yaicunga. Chai allpami curacuna causanapish, ñucapaclla huasita ruhuangapac chicanyachishcapish canga.

DANIEL 11:31

Paipac soldadocunami Diospaclla huasitapish, jatun torretapish mapayachinga. Punzhanta Diosman cushpa rupachinatapish anchuchingami. Chaipac randica millanayaipac chingachictami churanga.

DANIEL 12:11

Punzhanta Diosman animalta cushpa rupachinata anchuchishca punzhamanta millana tucuchicta churangacamanca huaranga ishcai patsac iscun chunga punzhami tucunga.

DANIEL 8:11

Chashna ruhuashpami, jahua pachapi tiyaccunata mandac-huanpish piñarishpa shayarirca. Chashnami punzhanta Diosman cushpa rupachinatapish anchuchishpa Diospaclla huasitapish urmachirca.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

DANIEL 9:27

Shuc semanapimi achca gentecunahuan ari ninacunga. Cutin chaupi semanapimi Diosman animalta cushpa huañuchinatapish, Diosman ofrendata cunatapish anchuchinga. Chai quipaca yallita millana tucuchicmi tucurina punzhacaman llaquichingapac shamunga. Dios llaquichina nishca punzhacamanmi llaquichishpa tucuchinga” nirca.

MIQUEAS 6:6

Mandac Diospac ñaupapica, ¿imahuantac ricurigrishayari? Jahua pacha Mandac Diostaca, ¿ima shinatac cumurishpa mañashayari? ¿Animalta huañuchishpa tucui rupachishpachu cuchuyasha? ¿Shuc huatayuc becita cushpachu cuchuyasha?

NÚMEROS 28:24

Chashna tucui canchis punzhacuna micunata tucui rupachicpimi, ñucamanca mishquilla ashnanga. Caicunataca punzhanta ñucaman cushpa tucui rupachishca jahua, tallina vinota cushca jahuami cuna canguichic.

NÚMEROS 28:3

Shinallatac: “Ñucaman cushpa punzhanta tucui rupachingapacca shuc huatayuc ima mana tucushca ishcai cari ovejata cunguichic.

NÚMEROS 29:6

Chaicunataca mandashca shina quillanta ñucaman cushpa, tucui rupachishca jahua, harinahuan aceitehuan chapushpa cushca jahua, punzhanta tucuita rupachishca jahua, tallina vinota cushca jahuami Mandac Dios ñucaman mishquilla ashnachun rupachina canguichic.

HEBREOS 10:1

Moisés mandashcacunaca Dios quipata allita cugricushcata ricuchicllami, ashtahuanpish mana chai shamuc shinachu. Chaimantami Moisés mandashcacunata pactachishpa, huatanta animalta rupachishpaca, Diospac ñaupapi jaicapi mana jucha illac cai pudin.

HEBREOS 10:4

Huagracunapac, chivocunapac yahuarpish juchacunataca mana anchuchi pudinchu.

HEBREOS 5:1

Tucui jatun mandac curacunami, gentecunapuramanta Diospacta ruhuachun acllashca can. Paicunaca tucui gentecunapac juchacunamanta Diosman ofrendata cungapac, animalcunata huañuchishpa Diosman cungapacmi can.

HEBREOS 7:27

Jesusca mana shuctac curacuna shina puntaca paipac juchacunamanta, quipaca tucui gentecunapac juchacunamanta animalta Diosman cushpa, rupachicchu, ashtahuanpish Apunchic Jesucristoca huiñaipac shuc cutinlla huañushpami, paillatac Diosman curishpa huañurca.

HEBREOS 8:2

Paica, Diospaclla cac huasipimi curacuna shina servicun. Chai huasica mana gentecunachu ruhuashca ashtahuanpish Mandac Diosllatac ruhuashcami can.

HEBREOS 8:4

Cai pachapica Moisés mandashca shina, Diosman cushpa, rupachic curacuna tiyanmi. Chaimanta paica cai pachapi cashpaca, curallapish mana canmanchu carca.