HEBREOS 1:8 - Dios Rimashcata Quillcashcami

⁸ Ashtahuanpish paipac Churimantaca: “Canca huiñai huiñaita Mandac Diosmi cangui. Shinallatac cashcata ruhuashpami mandangui.

Nuevo Testamento en Quichua Cañar 1996

⁸ Ashtahuanpish paipac Churimanta nishpaca: “Canca huiñai huiñaita Mandac Diosmi cangui. Shinallatac can mandashpaca, imapish cashcata ruhuashpami mandangui.

HEBREOS 1:8 ပူးပေါင်းရင်းမြစ်များ

2 SAMUEL 23:3

Israelcunapac Diosmi rimarca. Israelcunapac sinchi rumi shina Diosca: “Cashcata ruhuashpa, llactata mandacmi tiyanga. Paica Diosta mañashpami allita mandanga.

SALMOS 145:13

Can mandanaca huiñai huiñaitami. Can mandashpa causanaca huahua huahuacunacamanmi.

SALMOS 72:7

Pai mandacuc punzhacunapi cashcata ruhuanaca sisa shinami canga. Quilla tucuringacamanmi cushilla causaica tiyanga.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

JEREMÍAS 38:15

Shina nicpimi, Jeremiasca Sedequiastaca: —Can tapushcata tucui huillacpica, ñucata huañuchinguimi. Alli yuyaita cucpipish, mana uyanguichu— nirca.

OSEAS 1:7

Ashtahuanpish Judá llactapi causaccunataca Mandac Dios ñucallatacmi llaquishpa quishpichisha. Ashtahuanpish mana arcohuan, mana jatun macanacuihuan, mana caballopi ric soldadocunahuanchu quishpichisha» nirca.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

SAN LUCAS 1:75

Tucui ñucanchic causaipi paipac ñaupapi allillata ruhuashpa, causachunmi, chashna cacharichinga.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 10:33

Shina nicpimi israelcunaca: —Mana allicunata ruhuashcamantachu rumicunahuan shitashun ninchic, ashtahuanpish Dios tucushpa, paita piñachishcamantami shitashun ninchic. Canca ñucanchic shina runallami cangui. Chashna cashpapish Dios shina tucusha nishpami, chashnaca nicungui— nirca.

SAN JUAN 20:28

Chashna nicpimi Tomasca: —¡Ñucata Mandac Apunchic Jesuslla, ñuca Dioslla!— nirca.

ROMANOS 9:5

Paicunaca ñucanchic ñaupa taitacunapac huahua huahuacunami. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

1 CORINTIOS 15:25

Cristoca paita piñaccunata paipac chaqui sarunapi Dios churangacamanmi, paillatac mandana can.

DEUTERONOMIO 2:37

Ashtahuanpish Amonpac churicunapac llactaman, Jaboc yacu patapi tiyac llactacunaman, urcupi tiyac llactacunamanmi mana chayarcanchic. Shinallatac Mandac Dios ama llaquichinguichicchu nishpa mandashca llactacunamanpish mana chayarcanchicchu.

DEUTERONOMIO 7:14

Tucui llactacunamanta yallimi bendiciashca canguichic. Cancunapurapica yarcaipish mana tiyangachu. Mana huachac huarmipish, mana huachac animalpish mana tiyangachu.

1 TIMOTEO 3:16

Ñucanchic crishcaca, tucuimanta yalli jatunmi can: Diosca aichayuc tucushpami ricurirca. Paipac Espiritupica tucuitami misharca. Paitaca angelcunami ricurca. Mana israelcunamanpish huillashcami carca. Cai pachapipish crircacunami. Jahua pachapipish alli nishpami chasquishca carca.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.