HEBREOS 1:7 - Dios Rimashcata Quillcashcami

⁷ Angelcunamanta Dios rimashpaca: “Angelcunaca huaira shina cachun, shinallatac ñucata serviccunaca nina japiricuc shina cachun” ninmi.

Nuevo Testamento en Quichua Cañar 1996

⁷ Taita Diosca angelcunamanta nishpaca: “Ñuca angelcunaca huaira shina cachun, shinallatac ñucata servic paicunaca nina japirishpa, c'unyacuc shina cachun” ninmi.

HEBREOS 1:7 ပူးပေါင်းရင်းမြစ်များ

GÉNESIS 3:24

Runata llucchishpaca, Edén huerta inti llucshina ladomanmi querubincunata churarca. Shinallatac huiñai causaita cuc yurapi ama pi chayarichunca, chai muyunditami rupacuc shuc espadata cuidachun churarca.

1 REYES 22:19

Chai quipami Micaiasca: —Mandac Dios ima nishcata uyai. “Ñucaca Mandac Diostaca pai tiyarinapi tiyacuctami ricurcani. Paipac ladopica jahua pacha angelcunami paipac alli ladomanpish, lluqui ladomanpish shayacurca.

2 REYES 2:11

Paicuna chashna parlanacushpa ricucllapitacmi, nina japiricuc caballocunaca nina japiricuc carretacunata aisashca shamushpa, paicunata chicanyachirca. Shina chicanyachicpimi, Eliasca acapana huairapi huichai rirca.

2 REYES 6:17

Chaimanta Eliseo Diosta mañashpaca: «Mandac Dioslla, pai ricuchun paipac ñahuita pascaiyari» nishpa mañarca. Chashna mañacpimi, Mandac Diosca chai servicpac ñahuita pascarca. Chashna pascacpimi, paica Eliseopac muyundipi caballocunapi ric gentecuna nina japirishca carretacuna chai loma junda shayacucta ricurca.

SALMOS 104:4

Huairataca canmanta huillachun, culun nicuc ninataca canta servichunmi ruhuangui.

ISAÍAS 6:2

Paipac jahuapica serafín angelcunami tiyacurca. Cada angelmi sucta alasyuc carca. Chai angelcunaca ishcai alas-huanca paicunapac ñahuita, caishuc ishcai alas-huanca chaquitami tapashca carca. Cutin caishuc ishcai alas-huanca volacurcami.

DANIEL 7:10

Paipac ñaupamantaca yacu shinami nina llucshicurca. Paipac ñaupapica huaranga huarangacunami servicurca. Maita mana yupaipacmi paipac ñaupapi shayacurca. Juezcuna tiyaricpica, librotami pascarca.

ZACARÍAS 6:5

Shina tapucpimi angelca: —Caicunaca jahua pacha chuscu huairacunami cai pachata Mandac Diospac ñaupamanta llucshimucun.

HEBREOS 1:14

Angelcunaca Diospacta ruhuachun churashca espiritucunallami, shinallatac Dios quipata quishpichishcacunata ayudachun cachashcacunallami.