HAGEO 2:7 - Dios Rimashcata Quillcashcami

⁷ Tucui llactacunapi causaccunatami chucchuchisha. Chashna ruhuacpimi, tucui llactacunapi causaccunaca sumac charishcacunata apamunga. Chaicunahuanmi cai huasipica sumacyachishca canga.

HAGEO 2:7 ပူးပေါင်းရင်းမြစ်များ

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

1 REYES 8:10

Diospaclla cac ucumanta curacuna llucshicpica puyumi Mandac Diospac huasipica jundarca.

1 REYES 8:11

Puyu jundashca cacpimi, curacunaca Diospacta ruhuanata mana pudircacuna. Mandac Diospac sumaimana achicmi, chai huasipica jundarca.

2 CRÓNICAS 5:14

Puyu jundashca cacpimi, curacunaca Mandac Diospacta ruhuashpa, catinataca mana pudircacuna. Diospac huasipica Mandac Diospac sumaimana achicmi jundarca.

SALMOS 80:1

¡Israelcunata michiclla uyaiyari! ¡Canca Josepac huahuacunataca ovejacunata shinami michingui! ¡Querubincunapac chaupipi causac Dioslla, achicyachiyari!

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

ISAÍAS 2:19

Yallita manchana Mandac Dios jatun poderhuan achicyachicpica, quingrai jutcucunapi, allpa jutcucunapi satiringacunami. Cai pachapi causaccunata llaquichishpa chucchuchicpimi chashnaca tucunga.

ISAÍAS 60:4

Alzarishpa muyundita ricuiyari. Tucui paicunami tandanacushpa, cambacman shamunga. Cambac churicunaca carumantami shamunga. Cutin ushicunataca marcashpami apamunga.

ISAÍAS 60:7

Cedar llactamantaca animalcunata tandachishpami cambac ñaupaman apamunga. Nebaiot llactamanta cari ovejacunatami canman cungacuna. Chaicunataca cushicushpami, Mandac Diospac altarpi rupachishcata chasquinga. Achicyachic paipac causana huasitaca yallita sumacyachinga.

EZEQUIEL 21:27

¡Cutin, cutin llaquichishpami tucuchisha! ¡Pai mandanata japingapac shamungacamanmi chashna llaquicunaca caticunga! ¡Pai shamucpica, paipac maquipimi churasha!” ninmi.

EZEQUIEL 31:16

Chai yurata tigrachicpimi, tucui llactapi causaccunaca chucchunga. Huañushcacunahuan pacta Seolman cachacpica, Edén huertapi tiyac acllashca yuracunapish, Líbano urcupi tiyac tucuimanta yalli sumac yuracunapish, yacuta sungac yuracunapish cushicungami.

EZEQUIEL 38:19

Chai punzhacunapi nina japiric shina ñuca piñaricpimi, Israel llactapica yallita allpa chucchui tiyanga.

EZEQUIEL 44:4

Chai quipaca Diospac huasi jahua lado pungutami chai huasi ñaupaman pusharca. Chaipimi Mandac Diospac sumaimana achic nicuc paipac huasipi jundashcata ricushpa, pambacaman cumurircani.

HAGEO 1:8

Urcumanta caspicunata apamushpa, ñuca huasita cutin shayachichic. Chashna ruhuacpimi, yallita cushicushpa, alli nishcapish casha. Chaitaca tucuita Mandac Dios ñucami nini.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

SAN LUCAS 19:47

Jesusca tucui punzhacunami Diosta mañana huasipi yachachic carca. Cutin curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurca.

SAN LUCAS 2:27

Simeonca Diospac Espíritu pushacpimi, Diosta mañana huasiman rirca. Chaimanmi mandashcapi nishca shina ruhuangapac, taita mamaca huahua Jesusta apamurca.

SAN LUCAS 2:46

Ña quimsa punzhapimi, Diosta mañana huasipi mandashcacunata yachachiccunahuan, paicunata uyashpa, tapushpa tiyacucta tarircacuna.

SAN LUCAS 20:1

Shuc punzha Jesús Diosta mañana huasipi alli huillaimanta yachachicucpimi, Israel curacunata mandac curacunapish, mandashcacunata yachachiccunapish, cunac yuyaccunapish chayarca.

SAN LUCAS 21:38

Tucui gentecunami Jesús yachachishcata uyangapac utca jatarishpa, Diosta mañana huasiman shamuc carca.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

GÁLATAS 3:8

Diosca mana israelcuna cacpipish cricpica, paihuan alli tucuchun chasquishami nishcamantami, Dios quillcachishcapi Abrahamman cai alli huillaita huillashpaca: «Canmantami tucui cai pachapi causaccunaman allicunata cusha» nishca.

COLOSENSES 2:9

Dios imalaya cashcaca, Cristopimi tucui ricurin.