HAGEO 2:22 - Dios Rimashcata Quillcashcami

²² Jatun mandaccuna mandashpa tiyanatapish urmachishami. Tucui jatun mandaccuna mandana llactacunatapish tucuchishami. Carretacunatapish, chai carretapi puriccunatapish urmachishami. Shina urmachicpimi, caballocunapish, caballopi ric soldadocunapish huañunga. Paicunapac espadallahuantacmi caishuc, chaishuc huañunacunga.

HAGEO 2:22 ပူးပေါင်းရင်းမြစ်များ

2 CRÓNICAS 15:6

Shuctac llacta gentecunaca chaishuc llacta gentecunatami huañuchirca. Shuc pueblopi causaccunaca chaishuc pueblopi causaccunatami huañuchirca. Tucuilaya llaquicunata Mandac Diosllatac cachacpimi, chashna tucurca.

2 CRÓNICAS 20:22

Alli nishpa cantai callarincami Mandac Diosca Judá llactapi causaccunahuan macanacungapac shamuc amonitacunata, moabitacunata, Seir urcumanta shamuccunataca pacalla chapashpa huañuchichun churarca. Shina ruhuacpimi paicunapurallatac caishuc chaishuc huañuchinacurca.

2 CRÓNICAS 20:23

Amonitacuna, moabitacunaca Seir urcumanta shamuccunata huañuchishpa, tucuchingapacmi jatarircacuna. Paicunata tucuchishca quipaca, paicunapurallatacmi huañuchinacurca.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

SALMOS 76:6

Jacobopac Dioslla, can jarcashpa rimacpica, carretacunapish, caballocunapish mana cuyuri pudircacunachu.

ÉXODO 14:17

Ñucami Egipto runacunapac shunguta sinchiyachisha. Chashna ruhuacpimi, cancunata catishpa, cuchaman yaicunga. Chashna yaicucpimi, Faraontapish, paipac soldadocunatapish, tucui paipac carretacunapi tiyaccunandi tucuchishpa, ñuca jatun cashcata ricuchisha.

ÉXODO 14:28

Chashna catishpa ricucpimi, cutin yacu tandarishpa carretacunatapish, caballopi ric soldadocunatapish, Egipto runacunatapish tucui taparca. Paicunamantaca shucllapish mana saquirircachu.

ÉXODO 15:19

Jatun mandac Faraón carretacunahuan, caballopi ric soldadocunahuan yacuta pasacucpimi, Mandac Diosca cucha yacuta cutichimushpa, tucuita ucuyachirca. Cutin israelcunaca cucha chaupitami chaquishca allpata shina pasarca.

ÉXODO 15:4

Faraonpac alli soldadocunatapish, carretacunatapish cuchapi shitarcami. Puca Cuchapi ucuyachircami.

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

ISAÍAS 60:12

Maijan llactamanta runacunapish, maijan llactata mandaccunapish canta mana servisha nicca llaquinayaita tucuchishcami canga.

ISAÍAS 9:19

Tucuita Mandac Dios yallita piñaricpimi, cai pachapica nina japirirca. Cai gentecunaca ninata japichina cupa shinami tucurca. Huauquindipurapish mana llaquinacunchu.

EZEQUIEL 21:27

¡Cutin, cutin llaquichishpami tucuchisha! ¡Pai mandanata japingapac shamungacamanmi chashna llaquicunaca caticunga! ¡Pai shamucpica, paipac maquipimi churasha!” ninmi.

EZEQUIEL 26:16

Jatun llaquita uyashpaca, mama cucha patapi causac jatun mandaccunapish mandashpa tiyanamanta anchurishpami, jahualla churanatapish, bordashca churanatapish llucchinga. Chaimantaca duelo churanata churarishpami, allpa jahuapi tiyarishpa chucchucunga. Chashnami can llaqui tucushcamantaca tucunga.

EZEQUIEL 38:21

Tucui ñuca urcucunamantami jatun mandac Gog huañuchichun, jatun macanacuiman cayasha. Chaipica huauquinditami espadahuan huañuchinga. Chaitaca Mandac Dios ñucami nini.

EZEQUIEL 39:20

Ñuca miza jahuapica caballocunatapish, caballopi ric sinchi runacunatapish, macanacuc soldadocunatapish huañuchishpami churasha. Chaicunataca mana nictami micunguichic. Chaitaca Mandac Dios ñucami nini.

DANIEL 8:25

Yallita yuyaisapa cashpami, pitapish jahualla urmachishpa, shungupi jatun tucunga. Cungaillami achcata tucuchinga. Mandaccunata mandaccunahuanmi macanacungapac shayaringa. Gentecunapac maquipi mana huañushpapish huañungallatacmi.

AMÓS 2:15

Flechata cacharicpish, mana cachari pudingachu. Yalli callpac runapish mana miticui pudingachu. Caballopi ric soldadopish mana quishpiri pudingachu.

MIQUEAS 5:10

Mandac Diosca: «Chai punzhacunapica cancunapac caballocunatapish, carretacunatapish cancunapac chaupipimi huañuchishpa chingachisha.

MIQUEAS 5:15

Ñucata mana cazuc llactacunataca nina japiric shina, yallita piñarishpami, paicuna ñucata llaquichishca shinallatac llaquichisha» ninmi.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

MIQUEAS 5:9

Chashnami cancunata piñaccunata atinguichic. Chashna ruhuacpimi, cancunata mana ricunayachiccunaca tucui chingaringa.

MIQUEAS 7:16

Llactacunapi causaccunaca tucui chai sumaccunata ricushpami, yallita pingashpa, maquihuan shimita tapashpa, ringripish mana uyaccuna tucunga.

SOFONÍAS 3:8

Chaimanta llaquichina punzha chayangacaman shuyaichic. Ñucaca tucui llactacunata tandachingapac, jatun mandaccuna mandana llactacunata nina japiric shina llaquichinatami yuyarircani. Chaimantami nina japiric shina piñarishpa, tucui cai pachata tucuchisha. Chaitaca Mandac Dios ñucami nini.

ZACARÍAS 10:11

Jatun llaquica mama cuchatami pasanga. Nilo yacupish ucucamanmi chaquinga. Shuctac jatun yacucunapish tucuimi chaquinga. Asiria llactapi causac jatun tucushca gentecunapish urmangami. Egiptopi causaccunata mandana taunapish chingaringami.

ZACARÍAS 10:5

Mandac Dios ñucami paicunahuanca casha. Chaimantami paicunaca sinchi soldado piñaccunata saruc shina sinchi runacuna canga. Caballocunapi ric soldadocunaca pingaichishcami canga.

ZACARÍAS 12:9

Chai punzhapica Jerusalenta llaquichingapac shamuc llactacunataca tucui tucuchishami.

ZACARÍAS 14:3

Chai quipami Mandac Diosca jatun macanacuipi macanacuc shina, chai llaquichic llactacunahuan macanacungapac llucshinga.

ZACARÍAS 4:6

Shina nicpimi paica: «Tucuita Mandac Diosca Zorobabeltaca: “Caitaca mana soldadocunahuan, mana sinchi cashcahuanchu mishangui. Ashtahuanpish ñuca Espirituhuanmi mishangui.

ZACARÍAS 9:10

Paica Efraín llacta carretacunatapish, Jerusalenpi causaccunapac caballocunatapish tucuchingami. Macanacuna arcocunapish paquishcami canga. Llactacunapica cushi causaimi tiyanga. Paica shuctac lado mama cuchamantaca chaishuc lado mama cuchacaman, jatun yacumanta cai pacha tucuricamanmi mandanga.

SAN MATEO 24:7

Llactacunapurapish, jatun mandaccunapurapishmi macanacunga. Maijan llactapica allpa chucchuipish, yarcaipish tiyangami.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

JUECES 7:22

Chai quimsa patsac israelcuna cornetapi tocacucpica, Mandac Diosca madianitapurallatatacmi carpa huasicunapi macanacuchirca. Chaimantami madianita soldadocunaca Zerera puebloman rina ñanta rishpa Bet-sita pueblocaman, Tabat pueblohuan Abel-mehola pueblohuan tupanacuicaman miticushpa rircacuna.

1 SAMUEL 14:16

Saulpac chapac soldadocunaca Benjamín llactapi cac Gabaa pueblomantami filisteocuna caita chaita callpacucta ricurca.