HAGEO 2:2 - Dios Rimashcata Quillcashcami

² «Salatielpac churi Judá llactata mandac Zorobabelta, Josadacpac churi curacunata mandac Josueta, caishuc saquirishca gentecunataca:

HAGEO 2:2 ပူးပေါင်းရင်းမြစ်များ

ESDRAS 1:8

Persia llactata jatun mandac Ciroca chai charinacunataca paipac cullquita huacaichic Mitridatestami apachun cacharca. Paica Judá llactata mandac Sesbasarmanmi tucui yupashpa curca.

ESDRAS 2:63

Chaimantami Judá llactata mandacca Urimhuan, Tumimhuan shuc cura Diosman tapushpa, imata huillangacaman Diosman cushca micunata ama micuchun mandarca.

ESDRAS 3:2

Chashna tandanacushpami, Josadacpac churi Jesúa curaca caishuc curacunahuan, Salatielpac churi Zorobabelhuan, paipac huauquicunahuan, Diosta servic Moisés quillcashpa mandashca shinallatac animalcunata Diosman cushpa, tucui rupachingapac israelcunapac Diospac altarta ruhuanata callarirca.

NEHEMÍAS 8:9

Chaita uyashpami tucui gentecuna huacarca. Shina huacacpimi mandac Nehemiaspish, quillcac Esdraspish, rezashcata entendichic levitacunapish rimashpaca: «¡Cunanca, ñucanchicta Mandac Diosman chicanyachishca punzhami! Ama llaquirichicchu, ama huacaichicchu» nirca.

HAGEO 1:1

Jatun mandac Darío ishcai huata, sucta quilla, shuc punzhata mandacucpimi, Mandac Diosca pai ima nishcata huillac Hageota Salatielpac churi Judá llactata mandac Zorobabelman, Josadacpac churi curacunata mandac Josueman huillachirca. Chashna huillachishpaca:

HAGEO 1:12

Shina nicpimi, Salatielpac churi Zorobabelpish, Josadacpac churi curacunata mandac Josuepish, saquirishca gentecunapish Mandac Dios rimashcata uyarca. Chashnami Dios ima nishcata huillac Hageo huillashcata uyashpa, Mandac Diospac ñaupapi yallita mancharirca.

HAGEO 1:14

Mandac Diosmi Salatielpac churi Judá llactata mandac Zorobabelpac yuyaitapish, Josadacpac churi curacunata mandac Josuepac yuyaitapish, caishuc saquirishca gentecunapac yuyaitapish pascarca. Chaimantami tucuita Mandac Diospac huasitaca allichi callarirca.