HAGEO 2:14 - Dios Rimashcata Quillcashcami

¹⁴ Shina nicpimi Hageoca: «Mandac Diosca: Chashnallatacmi cai llacta gentecunapish ñuca ñaupapica tucun. Chashna cacpica, paicuna imata ruhuashcapish, ñucaman imata cushcapish chashnallatacmi mapa tucun.

HAGEO 2:14 ပူးပေါင်းရင်းမြစ်များ

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

PROVERBIOS 21:4

Jatun tucushpa ricunapish, shungupi jatun tucunapish Diosta mana manchana yuyaipish juchami.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

OSEAS 9:4

Tallina vinotapish Mandac Diosman mana cungachu. Imata cushcatapish mana chasquingachu. Tandapish duelo huasipi micuna tanda shinami canga. Chaita tucui micuccunami mapayanga. Chai tandaca Mandac Diospac huasiman mana yaicungachu. Ashtahuanpish chai tandaca paicuna micungapacllami canga.

TITO 1:15

Chuya shungucunapacca tucuimi chuya can, millaita ruhuaccunapac, mana criccunapacca, imapish mana allichu can. Paicunapac yuyaipish, paicunapac shungupish mapayashcami can.

SAN JUDAS 1:23

Ninapi rupangapac ricuccunataca, ninamanta aisac shina quishpichichic. Shuccunataca paicuna shina mana allita ruhuanamanta cuidarishpa ayudaichic. Paicuna mana allita ruhuashcamanta churanacunacaman mapayashcataca millanami canguichic.