HABACUC 3:8 - Dios Rimashcata Quillcashcami

⁸ Mandac Dioslla, ¿callpac yacucunahuanchu piñarircangui? ¿Canca jatun yacuhuanchu nina japiric shina piñarircangui? ¿Cambac caballocunapi, cambac mishana carretacunapi tiyarishpaca, mama cuchatachu llaquichigringui?

HABACUC 3:8 ပူးပေါင်းရင်းမြစ်များ

SALMOS 104:3

Can causana huasitaca yacucuna jahuapimi churashcangui. Puyupimi carretapi shina puringui. Huaira jahuatami puringui.

SALMOS 114:3

Israelcunata mama cucha ricushpaca callpashpami miticurca. Jordán yacuca huashamanmi cutirca.

SALMOS 114:5

Mama cuchalla, ¿imamantatac callpashpa miticurcangui? Jordán yaculla, ¿imamantatac huashaman cutircangui?

SALMOS 18:10

Shuc querubinpi tiyarishpami volarca. Huaira alascunapi tiyarishpami rirca.

SALMOS 45:4

Can sumaimana cashcamantaca, tucuipimi alli llucshingui. Cambac poderhuanmi carretata caballocunapi aisachishpa yangalla shinacunaman cashcata ruhuangapac, mana llullac cashcahuan millaita ruhuaccunata llaquichingui. Alli maquihuanca mai mancharinacunatami ruhuangui.

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

SALMOS 68:4

¡Diosta cantaichic! ¡Paipac shutita salmocunahuan cantaichic! ¡Caballopi montashpa puyu jahuata puricta jatunyachichic! ¡Paipac shutica Mandac Diosmi! ¡Paipac ñaupapi cushicuichic!

SALMOS 77:16

Sumac Dioslla, yacucunapish canta ricurcami. Chashna ricushpami chucchurcacuna. Mama cucha ucucunapish cuyurircami.

ÉXODO 14:16

Israelcunaca cucha chaupita chaquishca allpata shina pasachun, cambac varata alzashpa, cuchata ishcaipi chaupi.

ÉXODO 7:19

Mandac Diosca Moisestaca: —Aaronta: “Cambac varata japishpa, tucui Egiptopi tiyac yacucunapi, jatun yacucunapi, toma yacucunapi, jundu yacucunapi, cucha yacucunapi maquita jahuata chutangui. Shina ruhuacpica, yahuarmi tucunga. Tucui Egipto llacta yacucunapish, caspi vasocunapi shinallatac rumi vasocunapi tiyac yacucamanmi yahuar tucunga” ningui— nirca.

ÉXODO 7:20

Moisespish, Aaronpish Mandac Dios nishca shinallatacmi ruhuarca. Varata alzashpami, Faraonpac, paita serviccunapac ñaupaman rishpa, jatun yacupi huactarca. Shina ruhuacpica, tucui chaipi tiyac yacucunami yahuar tucurca.

ISAÍAS 19:1

Egipto llacta llaqui tucunamanta tucuita Mandac Dios huillashpaca: «Riquichic, Mandac Dios ñucaca callpac puyupimi Egiptoman yaicusha. Shina yaicucpica, chai llacta yanga dioscunaca paipac ñaupapimi chucchunga. Egiptopi causaccunapish, shungupi yallita mancharishpami, imatapish mana ruhuai pudinga.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 66:15

Mandac Diosca yallita piñarishpa, ninahuan jarcashpa yallita llaquichingapacmi rupacuc nina chaupipi, jatun acapana huaira shina, callpac carretacunahuan shamunga.

NAHÚM 1:4

Pai rimashpaca, mama cuchatapish, achca yacucunatapish chaquichinmi. Basán llactapish, Carmelo urcupish, Líbano llacta sisacunapish, anguyashpa chaquinmi.

HABACUC 3:15

Mama cucha jahuatami, caballocunapi puscuta shitashpa purircangui.

MARCOS 4:39

Jesús jatarishpa, huairatapish cuchatapish rimashpaca: —¡Casilla cai!— nishpami, nircami. Shina nicpimi, huairapish, cuchapish casilla tucurca.

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.

APOCALIPSIS 19:11

Chai quipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, taripac shinallatac macanacucmi carca.

APOCALIPSIS 19:14

Jahua pacha soldadocunaca, chuyanlla yalli valishca yuranlla lino churanata churashcami yurac caballopi tiyarishpa paitaca catircacuna.

APOCALIPSIS 6:2

Shina nicpi ñuca ricushpaca, yuranlla caballotami ricurcani. Chai caballopac jahuapi tiyacucca shuc arcotami apashca carca. Paiman coronata cucpimi, atishpa mishangapac llucshirca.