HABACUC 3:6 - Dios Rimashcata Quillcashcami

⁶ Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

HABACUC 3:6 ပူးပေါင်းရင်းမြစ်များ

GÉNESIS 49:26

Ñaupa ñuca taita bendiciashcata yallimi, cambac taitaca bendicianga. Cambac bendicionca huiñaita tiyac jatun urcucaman shinami cambac jahuapi canga. Huauquicunamanta chicanyashca cashcamantami chai bendicionca Josepac canga.

JOB 21:18

Paicunaca huaira apanalla ucsha shina, mana cashpaca jatun huaira apanalla tamo shinami.

JOB 9:5

Pai yallita piñarishpaca urcucunatapish cuyuchinmi, maipi cashcamanta tuñishpa shitanmi, chaitaca pipish mana yachanchu.

SALMOS 103:17

Ashtahuanpish paita manchaccunataca ñaupamanta huiñaicamanmi cuyacunlla. Shinallatac huahua huahuacunacamanmi cashcata ruhuacungalla.

SALMOS 104:32

Pai allpata ricucpica chucchunmi. Urcucunapi tuparicpica cushninmi.

SALMOS 35:5

Tamota huaira apashca shina callpachun. Mandac Diospac ángel catishca cachun.

SALMOS 68:16

Jatun urcucunalla, ¿ima nishpatac Dios tiyana acllashca urcutaca munashpa chapanguichic? Mandac Diosmi chaipica huiñaita causanga.

SALMOS 90:2

Urcucuna manarac tiyacpi, shinallatac cai pachatapish manarac ruhuashpami canca ña tiyashcangui. Ñaupamanta huiñaicamanmi Dios cangui.

SALMOS 97:5

Urcucunapish huira shinami tucui cai pachata Mandac Diospac ñaupapi nuyurca.

ÉXODO 15:14

Gentecunaca chaita uyashpaca chucchungami. Filisteocunaca yallita manchangami.

ÉXODO 15:15

Edom llactata mandaccunaca yuyai illacmi tucunga. Sinchi Moab gentecunapish manchaihuan chucchungami. Canaanpi causaccunaca mancharishpami imata mana ruhuai pudinga.

ÉXODO 15:17

Mandac Dioslla, can cushca urcuman chayachishpami, tarpuc shina churangui. Can causangapac allichishca llactamanmi chayachingui. Cambac maquihuan shayachishca sumac huasimanmi pushangui.

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

ÉXODO 21:31

Shuc cari huahuata, mana cashpaca huarmi huahuata huagra sacmashpa huañuchicpica, chai mandashca shinallatacmi huagrayuc runataca llaquichina can.

ISAÍAS 51:6

Jahua pachata huichailla ricuichicyari. Cai pachatapish urai ricuichicyari. Jahua pachaca cushni shinami chingaringa. Allpaca churana maucayac shinami tucuringa. Cai pachapi causaccunaca chuspicuna shinami tucuringa. Shina cacpipish, ñucaca huiñaitami quishpichisha. Ñuca cashcata ruhuanaca manatac tucuringachu.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

HABACUC 1:12

Mandac Dioslla, jucha illac Dioslla, canca, ¿manachu imapish manarac tiyacpi, ña tiyarcangui? ¡Shina cashcamantaca ñucanchicca mana huañushunchu! Mandac Dioslla, llaquichichunmi Babilonia runacunataca caipi churarcangui. Jatun Rumi shina Dioslla, canca llaquichinpacmi paicunataca cacharcangui.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

SAN LUCAS 1:50

Diosca paita manchaccunataca huahua huahuacaman llaquicungallami.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.

DEUTERONOMIO 32:8

Jahua pacha Dios llactacunaman allpata cushpaca, Adanpac churicunata chicanyachicushpami Israelpac huahuacuna mashna cashcata ricushpa linderocunata churarca.

DEUTERONOMIO 33:15

Ñaupamanta tiyac urcucunapipish, lomacunapipish alli grano pucuchun.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JUECES 5:5

Mandac Diospac ñaupapica urcucunapish chucchurcami. Sinaí urcupish israelcunata Mandac Diospac ñaupapica chucchurcami.