HABACUC 3:5 - Dios Rimashcata Quillcashcami

⁵ Paipac ñaupataca huañuchic ungüimi rin. Paipac chaquimantaca rupacuc ninami llucshin.

HABACUC 3:5 ပူးပေါင်းရင်းမြစ်များ

SALMOS 97:3

Paipac ñaupataca ninami ringa. Chai ninami paita piñaccunataca muyushpa tucuchinga.

LEVÍTICO 26:25

Ñucahuan ari nishcata mana cazushcamantaca ñucapish chashnallatacmi cancunataca espadahuan llaquichiccunata cachashpa llaquichisha. Chai llaquimanta cancunapac llactapi miticugricpipish, jatun ungüita cachashpami, cancunata piñaccunapac maquipi churasha.

NÚMEROS 11:1

Shuc punzhami israelcunaca yarcaihuan cashpa, Mandac Diosta rimarirca. Chaita uyashpami Mandac Diosca nina japiric shina piñarishpa, israelcuna causana carpa huasi muyundita rupachirca.

NÚMEROS 14:12

Huañuchic ungüita cachashpami tucuchisha. Shina cashpapish canmantaca paicunata yalli ashtahuan sinchi, shinallatac achca gentecunatami ruhuasha— nirca.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.