HABACUC 3:3 - Dios Rimashcata Quillcashcami

³ Diosca Temán llactamantami shamun. Jucha illac Diosca Parán urcumantami shamun. Paipac sumaimana achicca jahua pachatami tapan. Cai pachapica paita alabashcami jundan.

HABACUC 3:3 ပူးပေါင်းရင်းမြစ်များ

GÉNESIS 21:21

Paica shitashca pamba Paranpimi causacurca. Paipac mamaca Egiptomanta huarmihuanmi cazarachirca.

GÉNESIS 36:11

Elifazpac huahuacunaca: Temán, Omar, Zefo, Gatam, Cenazmi carca.

1 REYES 11:18

Paicunaca Madián llactamanta llucshishpaca, Parán shitashca pambamanmi chayarca. Chai pambamantami tauca runacunata apashpa, Egiptoman rirca. Egipto llactata jatun mandac Faraonpacman chayacpimi, jatun mandacca huasicunatapish, micunatapish allpacunatapish paicunaman curca.

SALMOS 113:4

Mandac Diosmi tucui llactacunata mandacun. Paipac sumaimana achicllaca jahua pachapimi.

SALMOS 148:13

Mandac Diospac shutica mai alli nina shutimi. Chaimanta paita alabaichicyari. Paimi cai pachatapish, jahua pachatapish ricucun.

SALMOS 3:2

Taucacunami ñucataca: «¡Diosca paitaca mana quishpichingachu!» nincuna.

SALMOS 3:4

Ñucaca caparishpami Mandac Diosta mañarcani. Chaitaca paipaclla urcumantami uyarca.

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

SALMOS 48:10

Sumac Dioslla, cambac shutita alli nina cashca shinallatacmi cantaca tucui cai pachapi causaccuna alli nincuna. Cambac alli maquihuanca cashcatami ruhuangui.

SALMOS 68:17

Diospac macanacuna carretacunaca huaranga huarangami. Chaicunahuanmi Sinaí urcumantaca huasiman shamurca.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

SALMOS 9:20

Mandac Dioslla, paicunapica manchaita churaiyari. Paicunaca runallami. Chaitaca paicunaman ricuchiyari.

ÉXODO 20:18

Tucui israelcunamami tulun nishcatapish, corneta tocashcatapish uyarca. Shinallatac relampa jaguin nishcatapish, Sinaí urcu cushni tapashcatapish ricurca. Chaimantami manchaihuan chucchushpa caruyarca.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 6:3

Chai angelcunaca caishuc chaishucmi: «¡Tucuita Mandac Diosca jucha illac, jucha illac, jucha illacmi! ¡Tucui cai pachaca paipac sumaimana achic nicuc jundami!» nircacuna.

ISAÍAS 64:3

Jaicapi ñucanchic mana yuyashca mancharinacunata ruhuangapac can urai shamucpica, urcucunapish cambac ñaupapi chucchurcami.

JEREMÍAS 49:7

Mandac Dios Edom llactata llaquichinamanta rimashpaca: «Temán llactapica, ¿ñachu yachaccuna tucurirca? Yachaccuna cunashcacunapish, ¿ñachu tucurirca? Paicunapac yachaica, ¿ñachu huacllirirca?

EZEQUIEL 43:2

Chaipimi inti llucshina ladomanta Diospac sumaimana achic nicuc shamucta ricurcani. Chaica jatun yacu huaj nic shina shamushpami, cai pachata taparca.

AMÓS 1:12

Chaimantami Temán llactapica ninata churasha. Chai ninami Bosra llactata mandashpa tiyana huasicunatapish tucui rupachinga» ninmi.

ABDÍAS 1:9

Temán llactalla, cambac sinchi soldadocunapish chucchungami. Esaupac urcupi causaccunapish yallita llaqui tucushpami huañunga.

HABACUC 2:14

Mama cucha yacuhuan junda cac shinami, cai pachapi causaccunaca Mandac Diospac poderta ricsina yuyaihuan canga.

NÚMEROS 10:12

Mandashca shinami, israelcunaca Sinaí shitashca pambamantaca shitashca pamba Paranman rirca. Chai puyuca chai pambapimi shayarirca.

DEUTERONOMIO 33:2

bendiciashpaca: «Mandac Dios Sinaí urcumantami shamurca. Seir urcumantami achicyachirca. Parán urcumantami achicyachirca. Paipac alli maquipi achicta apashpami pai acllashca huaranga huarangacunahuan shamurca.

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

1 SAMUEL 25:1

Samuel huañucpica, tucui israelcunami tandanacushpa huacarca. Paitaca pai causana Ramá pueblollapitami enterrarca. Chai quipaca Davidca shitashca pamba Paranmanmi rirca.