HABACUC 3:14 - Dios Rimashcata Quillcashcami

¹⁴ Soldadocunataca paicunapac flechacunallahuantacmi huañuchircangui. Paicunaca piñarishpami acapana huaira shina caita chaita shic-huanata yuyarca. Paicuna imatapish mana charic runata pacalla llaquichic shinami, jatun tucushpa llaquichinata munarca.

HABACUC 3:14 ပူးပေါင်းရင်းမြစ်များ

SALMOS 10:8

Uchilla llactacunapimi pacalla chapacun. Pacallapimi mana faltayuc runataca japishpa huañuchin. Imatapish mana ruhuai pudic runataca llaquichingapacmi chaparacun.

SALMOS 83:2

Riqui, canta piñaccunaca león shinami caparicuna. Canta mana ricunayachiccunaca sinchiyashcacunami.

ÉXODO 1:22

Shina cacpimi, Faraonca tucui llactapi causaccunata mandashpaca: «Cari huahua huacharicpica, Nilo yacupi shitaichic, cutin huarmi cacpica, saquinguichiclla» nirca.

DANIEL 11:40

Ashtahuanpish tucuri punzhacunaca ura llacta jatun mandacmi paihuan macanacungapac shamunga. Chashna shamucpimi, jahua llacta jatun mandacca carretacunahuan, caballopi ric soldadocunahuan, barcocunahuan yacu jundamuc shina macanacungapac shamunga. Chashna yacu jundamuc shina shamushpami, llactacunaman yaicushpa tucuchinga.

ZACARÍAS 9:14

Mandac Diosmi paicunapac jahuapi ricuringa. Paipac flechaca relampa shinami llucshinga. Mandac Diosmi cornetapi tocashpa, ura lado acapana huaira chaupipi shamunga.

JUECES 7:22

Chai quimsa patsac israelcuna cornetapi tocacucpica, Mandac Diosca madianitapurallatatacmi carpa huasicunapi macanacuchirca. Chaimantami madianita soldadocunaca Zerera puebloman rina ñanta rishpa Bet-sita pueblocaman, Tabat pueblohuan Abel-mehola pueblohuan tupanacuicaman miticushpa rircacuna.