HABACUC 2:8 - Dios Rimashcata Quillcashcami

⁸ Tauca llactacunamanta imacunata quichushcamantami shuctac gentecunapish can ima charishcacunata quichunga. Huañuchishpa, yahuarta jichashpa llactacunata, pueblocunata quichushcamantami chai llactacunaca tandanacushpa, can charishcacunata quichushpa apanga.

HABACUC 2:8 ပူးပေါင်းရင်းမြစ်များ

SALMOS 137:8

Chingarina Babilonialla, ¡ñucanchicta llaquichishcamanta chai shinallatac llaquichicca alli nishca cachun!

PROVERBIOS 22:23

Mandac Diosmi paicunataca misanga. Paicunamanta quichuccunataca paillatacmi causaita quichunga.

ISAÍAS 33:1

¡Aij, imatapish quichuc runalla! Canmantaca pi mana quichushcachu. Shuccunata pandachishpa llaquichicpipish, cantaca manarac chashnallatac llaquichishcachu. Imata quichushpa tucuchishca quipaca cantapish chashnallatacmi ruhuanga. Shuccunata mana cazushpa, can llaquichishpa tucuchishca quipaca cantapish chashnallatacmi ruhuanga.

ISAÍAS 33:4

Oruga curucuna micuc shinami, paicuna imalla charishcacunataca tandanga. Langosta curucuna shinami, chai charishcacunata quichunga.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

JEREMÍAS 30:16

Tucui canta tucuchiccunaca tucuchishcami canga. Canta piñaccunaca prezushcami canga. Canta saruccunaca sarushcami canga. Canmanta quichuccunamantapish quichungami. Canmanta shuhuaccunamantapish shuhuangami.

JEREMÍAS 50:14

Babilonia llactapi causaccunahuan macanacungapac muyundita allichirishpa shayarichic. Flechacunahuan shitaccuna ama pandarishpa shitaichiclla. Paicunaca Mandac Diostami piñachirca.

JEREMÍAS 50:28

Babilonia llactamanta miticushpa shamuccuna caparishcatami uyani. Mandac Diosmi Babilonia llactapi causaccunata paipac huasita urmachishcamanta llaquichishami nishcata pactachicushcata Sionpi huillangapac shamun.

JEREMÍAS 50:37

Espadahuan shamushpami, paicunapac caballotapish, carretacunatapish tucuchinga. Chaimantami huarmicuna shina manchanga. Espadahuan shamushpami, paicuna charishcacunatapish quichushpa apanga.

JEREMÍAS 51:13

Jatun yacucuna tiyac allpapi causaccunalla, cancunaca chayuccunami canguichic. Cancunapac huañuimi chayamushca.

JEREMÍAS 51:24

Babilonia llactapi causaccunatapish, Caldea runacunatapish, Sionta llaquichishcamantaca cancunapac ñaupapimi llaquichigrini» ninmi

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

JEREMÍAS 51:48

Jahua lado llactamantami Babilonia llactata llaquichingapac shamunga. Paicuna shamushpa, tucui tucuchicpica, jahua pachapish, cai pachapish, chaipi tiyaccunapish cushicushpami cantanga.

JEREMÍAS 51:8

Babilonia llactaca cungaillami urmashpa ñuturirca. Paimanta huacaichicyari, Pai nanaita pasachichunca bálsamo jambita churaichicyari. Chashna ruhuacpica, alliyangapishchari» ninimi.

EZEQUIEL 28:16

Yallita catushpa, randishpa causashpami yalli mana allita ruhuashpa juchallircangui. Cuidac querubinmi cantaca Mandac Dios ñucapaclla urcumantapish, nina rupacuc rumi chaupimantapish anchuchirca.

EZEQUIEL 39:10

Chai macanacunami yantaca canga. Chaimantami yantatapish mana apamunga, yuracunatapish mana pitinga. Quichuccunamantami quichunga. Shuhuaccunamantami shuhuanga. Chaitaca Mandac Dios ñucami nini.

AMÓS 3:10

Mandac Diosca: «Paicunaca imatapish mana allita ruhuanata yachanchu. Macashpa quichushcallatami, paicunapac mandashpa tiyana huasicunapi jundachin.

ABDÍAS 1:15

Tucui llactacunata yallita llaquichina punzhaca ñami chayamucun. Ima shinami shuccunata yallita llaquichircangui, chashnallatacmi cantapish llaquichinga. Chashna llaquichishcamantaca canpish llaquichishcami cana cangui.

HABACUC 2:10

Achca gentecunata pandachishpami, canllatac pandarishcangui. Tucui chaicunata ruhuashpami, cambac huasitaca pingaipi churarcangui.

HABACUC 2:17

Líbano urcuta llaquichishcamanta, sacha animalcunata huañuchishcamanta, chaipi causaccunata huañuchishpa yahuarta jichashcamanta, paicunapac allpata shuhuashcamanta, pueblocunatapish, chaipi causaccunatapish shuhuashpa llaquichishcamantami cantapish llaqui japinga.

ZACARÍAS 1:15

Chaimantami chai imatapish mana yuyaric llactacunahuanca piñashca cani. Paicunaca ñuca ashallata piñashca cacpica, ashtahuanmi mana allita ruhuarca.

ZACARÍAS 14:12

Mandac Diosca Jerusalenpi causaccunahuan macanacuc gentecunataca cai ungüihuanmi llaquichinga. Paicuna causacucllapitacmi paicunapac aichaca ismunga. Ñahui murucunapish chaillapitacmi chaquinga. Callupish shimillapitacmi tucuringa.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.