HABACUC 2:6 - Dios Rimashcata Quillcashcami

⁶ ¿Manachu shuctac llactacuna yuyarina rimaicunahuan, paita burlashpa cantanga? Chai llactacunaca: “¡Aij, manapish quiquinpac cashcahuan mirachiccunalla! ¿Ima punzhacamantac prendacunata japishpa montonacungalla?” ningami.

HABACUC 2:6 ပူးပေါင်းရင်းမြစ်များ

SALMOS 94:3

Mandac Dioslla, ¿ima horascamantac canta mana manchaccuna cushicungayari? ¿Ima horascamantac chashna cachun saquinguiyari?

PROVERBIOS 22:16

Maijanpish chayucyangaraicu huaccha runata llaquichic, mana cashpaca chayuc runaman cucca huacchami tucunga.

ISAÍAS 10:13

Asiria llactata jatun mandacca: «Ñuca poderhuan, ñuca alli yuyaiyuc cashpami caitaca ruhuani. Ñucaca alli yachacmi cani. Cai tucui gentecunapac llactacunatapish, paicuna ima charishcacunatapish quichushpami, jatun mandaccunataca sinchi runacuna shina jahualla misharcani.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 5:8

¡Aij, shuctac shuctac huasicunata shayachiccunalla, cancunaca pimanpish mana saquishpami, allpacunata japishpa mirachinguichic! ¡Tucui cai llactapica cancunallami causagringuichic!

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

JEREMÍAS 29:22

Shina ruhuacpi, Judá llactamanta Babilonia llactaman prezu apashcacuna maldiciashpaca: “¡Mandac Diosca cantapish Sedequiasta shina, Acabta shina ruhuashpami alli canman! ¡Babilonia llactata jatun mandacca chai ishcai runacunatami ninapi cusarca!” ningacuna.

JEREMÍAS 50:13

Ñuca yallita piñarishpami chai llactaca shitashca pamba, shucllapish mana causanata saquisha. Babilonia llactata pasaccunaca llaquinayai siricucta ricushpami mancharinga. Burlashpami asingacuna.

EZEQUIEL 32:21

Seolpi cac sinchi runacunaca Egipto llactata mandacpish, paita ayudaccunapish chaiman chayacpica: “Paicunapish ñami shamushca. Jatun macanacuipi huañushcacunahuan, circuncisionta mana ruhuashcacunahuan pactami siricun” ningacunami.

MIQUEAS 2:4

Chai punzhapica cancunata burlashpami rimanga. Chaimantami cancuna huacashpaca: “¡Yallita llaquichishpa tucuchishcami canchic! Ñucanchicman cushca allpacunataca shuccunami medishpa japicun. ¡Aij, mana llaquishpami, tucui ñucanchic llactacunata quichushca!” ninguichicmi.

HABACUC 1:15

Babilonia runacunaca anzuelohuanmi tucuita japinga. Linchita shitashpa, tandachishpami, yallita cushicushpa asinga.

HABACUC 2:12

¡Canca gentecunata huañuchishpami pueblota shayachircangui! ¡Mana allita ruhuashpami pueblota callarichircangui! ¡Aij, imachari tucungui!

HABACUC 2:13

¿Manachu tucuita Mandac Diosca gentecuna imata ruhuashcataca ninapi rupachic shina tucuchinga? Llactacunapi causaccuna imata ruhuashpaca yangami shaicunga.

NÚMEROS 23:18

Chashna tapucpimi, Balaamca yuyarina rimaicunahuan huillashpaca: «Ziporpac churi Balac jatarishpa, ñuca nishcata allita uyaiyari.

NÚMEROS 23:7

Chaipimi Balaamca yuyarina rimaicunahuan huillashpaca: «Inti llucshina ladopi tiyac Aram llactapi causacucpimi, Moab llactata mandac Balacca pushamurca. Jacobopac churi israelcunata maldiciangapac shamui nirca.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.