HABACUC 2:2 - Dios Rimashcata Quillcashcami

² Chaimantami Mandac Diosca: “Muscuipi shina ricurishcata rezanallata rumi tablacunapi quillcai.

HABACUC 2:2 ပူးပေါင်းရင်းမြစ်များ

ISAÍAS 30:8

Cunanca, muscuipi shina ñuca ricuchishcataca paicunapac ñaupapi, shuc tablapi quillcagri. Chashna quillcacpimi, huiñai huiñaipac tiyanga.

ISAÍAS 8:1

Mandac Diosca: «Shuc jatun tablata japishpa, Maher-salal-has-baz nishca shimicunata rezanallata quillcai» nirca.

JEREMÍAS 30:2

«Israelcunata Mandac Dios ñucaca: Ñuca rimashcata shuc libropi tucui quillcai.

DANIEL 12:4

Shina cacpipish, Daniel-lla, canca cai rimashcata quillcashca librotaca tucuri punzhacaman sellashpa churai. Achcacunami allita yachanata mashcashpa caiman chaiman callpanga.

DANIEL 7:1

Jatun mandac Belsasar Babilonia llactata mandai callari huatami Danielca camapi sueñucushpa, shuc muscuita muscurca. Paipac yuyaipish muscuipi shinami imacunata ricurca. Chaimanta riccharishpami, maijan yuyaicunallata quillcarca.

ROMANOS 15:4

Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.

1 CORINTIOS 14:19

Shina cashpapish, tandanacushca criccunapurapica chunga huaranga mana yachashca rimaita rimanapac randica, entendinalla pichca rimaitami, yachachingapac rimasha nini.

2 CORINTIOS 3:12

Chai sumaimana huillashca yuyailla cashpami, mana manchashpa tucuiman huillacunchic.

DEUTERONOMIO 27:8

Chai rumicunapica cai mandashcacunata tucui ricunallata quillcanguichic» nirca.

DEUTERONOMIO 31:19

Cunanca, cai cantota quillcashpa israelcuna cantachun yachachi. Cai cantollatacmi israelcuna llaquita apanatapish ricuchinga.

DEUTERONOMIO 31:22

Moisesca chai punzhallatacmi cai cantota quillcashpa israelcunaman yachachirca.

APOCALIPSIS 14:13

Cutin jahua pachamanta shuc rimashca uyarishpaca: «Caita quillcai: Caimanta quipaman Apunchic Jesus-huan shuclla tucushpa huañuccunamanca, ¡mai cushicuimi canga! Diospac Espiritupish: Ari, chashnami can. Paicuna ima ruhuacushcamantaca samaringacunami. Paicuna ima ruhuashcapish paicunahuanmi canga» nishcatami uyarcani.

APOCALIPSIS 19:9

Chai angelca ñucataca: «Caita quillcai: “Pactalla Ovejapac bodaman cayashcacunaca mai cushicuimi cancuna” ni. Cai rimashca shimicunaca mana llullachu, ashtahuanpish Dios rimashcami» nirca.