HABACUC 1:9 - Dios Rimashcata Quillcashcami

⁹ Tucui paicunami llaquichingapac shamunga. Ñaupata ricurashpa shamushpami tucuita manchachinga. Shinallatac tiyu allpata tandachic shinami prezu japinga.

HABACUC 1:9 ပူးပေါင်းရင်းမြစ်များ

GÉNESIS 41:49

Joseca trigotaca mama cucha tiyu shinatami tandachirca. Yalli achca grano cacpimi, mana yupai pudishpa huacaichircalla.

2 REYES 12:17

Chai punzhallatacmi Siria llactata jatun mandac Hazaelca Gat pueblopi causaccunahuan macanacushpa, chai pueblota quichurca. Chai quipaca Jerusalenpi causaccunahuan macanacungapac huichai rinatami yuyarirca.

JOB 29:18

Ñuca shungupica: “Ñuca camallapitacmi huañusha. Ñuca causai punzhacunaca, tiyu shinami canga” yuyarcanimi.

SALMOS 139:18

Chaicunata yupai callaricpica, tiyutapish yalli achcami ricuringa. Riccharishpapish canllahuantacmi cani.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

JEREMÍAS 15:8

Viuda huarmicunaca mama cuchapi tiyac tiyutapish yalli achcami saquirirca. Quipa huiñaicunapac mamacunata huañuchichunca punzha pachami huañuchiccunata cacharcani. Chai llactapica mana yuyashca horasmi yalli manchaita churasha.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 34:22

Paicunataca cutinmi cai llactaman cutichimusha. Paicunami cancunataca mishashpa, cai llactata quichushpa rupachinga. Chashna rupachicpica, Judá llactapi tiyac pueblocunapica shuc runallapish mana saquirishpami tucui huañunga. Chashnami shitashca pambata ruhuasha. Chaitaca Mandac Dios ñucami nini» nirca.

JEREMÍAS 4:11

Chai punzhacunapica Judá llactapi, Jerusalenpi causaccunataca: «Ñuca llactapi causaccunapacmanca shitashca urcumantami chaquishca huaira shamurca. Chai huairaca mana granota chuyayachic huairachu.

JEREMÍAS 4:7

Leonmi sacha ucumanta shamucun. Llactacunata tucuchingapacmi pai tiyacushca pushtumanta caiman shamungapac, ñanman llucshishca. Cancunapac llactacunapica shuc runallapish mana saquiringachu. Tucui tucuchishcami canga.

EZEQUIEL 17:10

Riqui, caipi tarpushca yuraca, ¿allichu huiñanga? Inti llucshina ladomanta huaira shamushpa huactacpica, ¿manachu anguyashpa chaquinga? ¡Verdinlla yura cashpapish, tarpushca pamballapitacmi chaquinga!” ninmi ningui» nirca.

EZEQUIEL 19:12

Shina cacpipish, piñarishpami pitishpa pambaman shitarca. Inti llucshina ladomanta huaira shamushpami, granocunataca chaquichirca. Sinchi ramacunaca chaquichircami, shinallatac ninami rupachirca.

DANIEL 11:17

Chai quipaca ura llactata tucui japinatami yuyaringa. Chaimantami chai jatun mandac-huan parlanacunga. Chai jatun mandacta huañuchingapacmi paipac ushita huarmi cachun cunga. Shina cucpipish, mana chai munashcaca pactangachu.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

HABACUC 1:17

¿Paicunaca chai shinachu llactacunata mana llaquishpa tucuchishpa caticungalla?

HABACUC 1:6

Ñucaca caldeocunamanmi cancunata llaquichichun yuyaita cugrini. Paicunaca pitapish mana llaquic, tucui llactacunata purishpa, shuccunapac huasicunata quichuc runacunami.

ROMANOS 9:27

Isaías israelcunamanta huillashpaca: «Israelpac huahua huahuacuna tiyu shina achca cashpapish, ashallami quishpiringa.

JUECES 7:12

Madianitacunapish, amalecitacunapish, inti llucshina ladomanta gentecunapish, chai pambapica langostacuna shinami achca carca. Shinallatac camellocunapish mama cuchapi tiyac tiyu shina maita mana yupaipacmi carca.