HABACUC 1:8 - Dios Rimashcata Quillcashcami

⁸ Paicunapac caballocunaca leopardocunatapish yalli callpac, amsata llucshic atuccunatapish yalli millaicunami canga. Caballopi ric soldadocunaca tandanacushpami huaicashpa carumanta shamunga. Paicunaca angacuna ima animalta japingapac jahuata shamuc shinami shamunga.

HABACUC 1:8 ပူးပေါင်းရင်းမြစ်များ

JOB 9:26

Callpac barco shinami rishca. Anga aichata micungapac ric shinami callpashca” nini.

ISAÍAS 11:14

Ashtahuanpish ishcai tucushpami, inti tigrana ladopi causac filisteocunataca urmachinga. Inti llucshina ladopi causaccunapac charishcacunatapish tucuimi quichungacuna. Edom, Moab llactapi causaccunaca paicunatami servinga. Amonitacunapish paicunatami cazunga.

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

JEREMÍAS 48:40

Mandac Diosca: «Moab llactapi causaccunata llaquichingapacca piñaccunaca alasta pascashpa jatun anga shinami shamunga.

JEREMÍAS 5:6

Chaimantami paicunataca sachapi causac leoncuna huañuchinga. Shitashca pambapi causac atuc shamushpami tucuchinga. Leopardomi paicunapac llacta muyundipi shayacunga. Maijanpish chaimanta llucshictaca japishpami micunga. Paicunaca yallitami Diosta mana cazushpa, juchata ruhuashca» nircani.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

LAMENTACIONES 4:19

Ñucanchicta caticcunaca volac angatapish yalli callpaccunami carca. Urcucunata catishpa rishpami shitashca pambapi chaparca.

EZEQUIEL 17:12

«Chai mana cazuc gentecunataca: “Cai parlo imata nisha nishcataca, ¿manachu entendinguichic?” ningui. Paicunataca: “Riquichic, Babilonia llacta jatun mandac Jerusalenman shamushpami, jatun mandactapish, quipa mandaccunatapish Babilonia llactaman prezu aparca.

EZEQUIEL 17:3

parlashpa: “Mandac Diosca: Jatun alasyuc, tauca color achca plumacunayuc shuc jatun angami Líbano urcumanta cedro yura ñahuita apangapac shamurca.

EZEQUIEL 26:11

Caballocunaca tucui ñancunatami sarushpa puringa. Gentecunataca espadahuanmi huañuchinga. Sinchi rumi pilarcunatapish tigrachingami.

OSEAS 8:1

Mandac Diosca: «¡Ñuca huasitaca angacuna shinami, llaquichingapac shamun! ¡Chaimanta trompetapi tocashpa macanacuita huillaiyari! Ñucahuan ari nishcata paquishpami ñuca mandashcata mana cazurca.

NAHÚM 2:5

Sinchi soldadocunata cayacpica, sarurinacushpami shamunga. Pirca ladoman rishpami, espadahuan macanacungapac allichiringa.

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

SAN MATEO 24:28

Maipimi huañushca tiyan, chaipimi ullachucunaca tandanacun.

SAN LUCAS 17:37

Chashna nicpimi paicunaca: —Apunchic Jesús, ¿maipitac chashnaca tucunga?— nirca. Chashna nicpimi Jesusca: —Maipimi huañushca tiyan, chaipimi ullachucunaca tandanacun— nirca.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.