HABACUC 1:6 - Dios Rimashcata Quillcashcami

⁶ Ñucaca caldeocunamanmi cancunata llaquichichun yuyaita cugrini. Paicunaca pitapish mana llaquic, tucui llactacunata purishpa, shuccunapac huasicunata quichuc runacunami.

HABACUC 1:6 ပူးပေါင်းရင်းမြစ်များ

2 REYES 24:1

Joacim mandacui punzhacunami Babilonia llactata jatun mandac Nabucodonosorca macanacungapac shamurca. Macanacushpa aticpimi, Joacimca quimsa huatata Nabucodonosorta servishpa causarca. Chai quipaca mana paita cazushpami, cariyarca.

2 REYES 24:2

Ashtahuanpish Mandac Diosca Joacimhuan macanacuchunmi caldeocunapac, siriocunapac, moabitacunapac, amonitacunapac soldadocunata cacharca. Mandac Diosca pai ima nishcata huillac, paita serviccunaman huillashca shinallatacmi Judá llactapi causaccunata tucuchichun cacharca.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

2 CRÓNICAS 36:6

Babilonia llactata jatun mandac Nabucodonosorca paihuan macanacungapac shamushpami, cadenacunahuan huatashpa Babilonia llactaman aparca.

ISAÍAS 23:13

¡Caldeocunapac llactata ima tucushcata ricuichicyari! Chai llactaca ña mana tiyanchu. Chai llactataca Asiriapi causaccunami jatun torrecunata shayachishpa, mandana huasicunatapish tucuchishca. Chashnami shitashca pambapi causac animalcuna causanata ruhuarca.

JEREMÍAS 13:20

Jahua lado llactamanta shamuccunata huichai ricuichicyari. ¿Maipitac canman saquishca sumac ovejacunaca?

JEREMÍAS 21:4

“Israelcunata Mandac Diosca: Babilonia llactata jatun mandac-huan macanacuc cancunapac soldadocunata, jatun pirca muyundipi chapacuc caldeocunataca cancunapacllamantac cutichimushpami, cai llacta chaupiman chayachimusha.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 25:9

cai llactatapish, caipi tucui causaccunatapish, cai muyundi llactacunatapish llaquichichunmi jahua llactapi causaccunata, Babilonia llactata jatun mandac ñucata servic Nabucodonosorta cachasha. Chashna cachashpami tucuita tucuchisha. Paicunataca huiñaita tucuipac mancharina, burlanatami ruhuasha.

JEREMÍAS 30:5

rimashpaca: «Paicuna yallita mancharishpa sinchita caparishcatami uyani. Cushi causaica mana tiyanchu. Yalli manchaillami tiyan.

JEREMÍAS 4:11

Chai punzhacunapica Judá llactapi, Jerusalenpi causaccunataca: «Ñuca llactapi causaccunapacmanca shitashca urcumantami chaquishca huaira shamurca. Chai huairaca mana granota chuyayachic huairachu.

JEREMÍAS 4:6

¡Sión ladoman banderata alzaichicyari! ¡Ama unaiyashpa miticungapac callpaichic! Jahua lado llactamantami yalli llaquichicta cachagrini. Chaica yalli llaquimi canga.

JEREMÍAS 4:8

Chaimanta sharpa churanata churarishpa, yallita llaquirishpa, caparishpa huacaichicyari. Mandac Dios ñucaca cancunahuan piñarishcami cani» ninmi.

JEREMÍAS 5:15

Israelcunalla, cancunata llaquichichunca caru llactamantami ñaupa pachamanta causac, sinchi runacunata apamugrini. Paicunaca mana ricsishca rimaitami rimancuna. Paicuna rimashcataca mana entendinguichicchu.

JEREMÍAS 8:10

Chaimantami paicunapac huarmicunatapish, chagracunatapish cai llactata shuctac runacunaman cugrini. Uchilla huambracunapish, yuyaccunapish quiquinlla ima shinapish chayucyanatami munan. Tucui huillac runacunapish, curacunapish llullashpa umaccunami.

EZEQUIEL 16:40

Achca gentecunata cachacpimi, cantaca rumicunahuan shitashpa, espadahuan huañuchinga.

EZEQUIEL 21:31

Ñucaca nina japiric shina yallita piñarishpami llaquichisha. Cancunata yallita llaquichichunmi millaita ruhuac runacunaman cusha.

EZEQUIEL 28:7

shuctac llactamanta alli sinchi, millai runacunata cachasha. Paicunami espadata llucchishpa, can alli yachac cashcatapish, can sumac cashcatapish yangata ruhuashpa tucuchinga.

EZEQUIEL 31:12

Caru llacta millai gentecunami pitishpa shitanga. Chai sumaimana ramacunaca urcucunapi, pambacunapi, tucui llactacunapi tiyac jatun yacucunapi urmanga. Shinallatac shuctac llacta gentecuna chai yura ucupi llandurishpa causacushpapish shitashpami ringa.

JOEL 2:3

Paicunaca ñaupatapish, huashatapish tucuita rupachishpami saquinga. Paicuna manarac pasacpica, chai allpaca Edén huerta shina sumacmi carca. Ña pasa ricpica, shitashca pambami saquiringa. ¡Pipish mana saquiringachu!