HABACUC 1:4 - Dios Rimashcata Quillcashcami

⁴ Mandashcacunataca pipish mana cazunchu. Allita ruhuanataca saruc shinami yangata ruhuan. Canta mana manchacca cashcata ruhuactami llaquichingapac caticun. Chaimantami cashcata ruhuana tiyanapac randica, mana alli ruhuashca ricurin.

HABACUC 1:4 ပူးပေါင်းရင်းမြစ်များ

1 REYES 21:13

Chaipi tiyacucpimi, chai millai ishcai runacuna shamushpa, paipac ñaupapi tiyarircacuna. Chai millai jatun runacunami Nabottaca: «Nabotca Diostapish, jatun mandactapish mana alli nishpami rimarca» nishpa juchanchishpa huillarcacuna. Shina huillacpimi, pueblomanta llucchishpa, rumicunahuan shitashpa huañuchirca.

JOB 21:7

¿Ima nishpatac Diosta mana manchaccunaca yuyaccaman causashpa ashtahuan charicyancuna?

SALMOS 11:3

Callaripi churashca rumicunata anchuchicpica, cashcata ruhuac runaca ¿imatatac ruhuai pudinga?

SALMOS 119:126

Mandac Dioslla, can mandashcacunataca yangata ruhuashpami mana cazuncuna. Paicunataca ñami imatapish ruhuana cangui.

SALMOS 22:12

Ñucataca achca piña huagra shinami muyucuncuna. Basán llacta piñac huagracunapac chaupipi shinami cani.

SALMOS 22:16

Allcucuna shinami muyunacushpa charicuncuna. Millai gentecunami ñuca muyundipi shayacuncuna. Ñuca maquicunatapish, chaquicunatapish llaquinayaitami chugrichincuna.

SALMOS 59:2

Millaita ruhuaccunamanta huacaichiyari. Huañuchiccunapac maquimanta quishpichiyari.

SALMOS 59:4

Ima llaquita mana ruhuashca cacpipish, tandanacushpami huañuchinata yuyarincuna. Ñucata ayudangapac jatariyari, ñucata ricuiyari.

SALMOS 94:3

Mandac Dioslla, ¿ima horascamantac canta mana manchaccuna cushicungayari? ¿Ima horascamantac chashna cachun saquinguiyari?

ÉXODO 23:2

Taucacuna millaita ruhuashun nicpipish, ama paicunata catinguichu. Ama taucacuna llullashcallamanta pitapish llaquichinguichu.

ÉXODO 23:6

Maipi imata quichunacui tiyacpica, ama huacchapac cashcata quichushpa, shucman cunguichu.

ISAÍAS 5:20

¡Aij, mana allitaca allimi, allitaca mana allichu niccunalla! Paicunaca achictaca amsami, amsataca achicmi nincunami. Cutin jayactaca mishquimi, mishquitaca jayacmi nincunami.

ISAÍAS 59:12

Ñucanchicca cambac ñaupapi yallitami mana cazushcanchic. Ñucanchicpac juchacunallatacmi ñucanchic mana alli cashcata ricuchin. Ñucanchicca millaita ruhuanataca mana saquishcanchicchu. Chaitaca yachanchicmi.

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

JEREMÍAS 12:6

Cambac huauquicunallatac, cambac huasi ucupuracunallatacmi canta llaquichingapac jatarishca. Paicunaca cambac huashallapimi caparishpa rimarincuna. Chaimanta paicuna sumacta rimacpipish, ama cringuichu.

JEREMÍAS 26:8

Mandac Dios huillachun mandashcata Jeremías huillashca quipa curacunapish, huillaccunapish, gentecunapish paita japishpaca: «¡Huañunatacmi cangui!

JEREMÍAS 8:7

Jahuata volac cigüeñapish ima quillapi shuctac ladoman rinata yachanmi. Urpipish, grulla animalpish, golondrinapish ima quilla shuctac llactaman rinata yachanmi. Ashtahuanpish ñuca acllashca cancunaca ñuca mandashcataca mana yachashpami causanguichic.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

AMÓS 5:12

Ñucaca cancuna yallita mana cazushcatapish, yalli millaita ruhuashcacunatapish, cashcata ruhuac runata llaquichishcatapish, imata pacalla japishcatapish, juezcunapac ñaupapi huacchacuna japinata quichushcatapish yachanimi.

AMÓS 5:7

¡Cancunaca cashcata ruhuanataca jayac ajenjota shina ruhuashpami, imapacpish mana valichinguichic!

MARCOS 7:9

Shinallatac Jesusca: —Dios mandashcacunataca saquishpami, ñaupa taitacuna yachachishcallata cazunguichic.

HECHOS 7:52

Ñaupa taitacunaca, Dios ima nishcata huillaccunata mana ricushun nishpami llaquichirca. Paicunami shamuna cashca Jucha illac, imatapish cashcata ruhuacmanta huillaccunata huañuchircacuna. Chai Jucha illac shamucpica, millai runacunaman cushpami huañuchircanguichic.

HECHOS 7:59

Chashna rumicunahuan shitacucpimi, Estebanca: «Apunchic Jesús, ñuca almata pushaiyari» nishpa mañarca.

ROMANOS 3:31

Shina cacpica, Jesusta crishcamantaca, ¿Moisés mandashcacunata yangallami ninachu canchic? ¡Mana chashnachu! Ashtahuanpish chai mandashcacuna alli cashcatami ricuchinchic.

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.