HABACUC 1:2 - Dios Rimashcata Quillcashcami

² Mandac Dioslla, ¿ima horacamantac ñuca mañashcata mana uyagringui? ¿Ima horacamantac ama llaquichichu nishpa caparicushalla? ¿Imamantatac mana quishpichingui?

HABACUC 1:2 ပူးပေါင်းရင်းမြစ်များ

JOB 19:7

Ñucaca: “¡Ñucata llaquichincunami!” nishpa, caparicpipish mana uyanchu. Ayudaiyari nishpa caparicucpipish, mana pi cashcata ruhuanchu.

SALMOS 22:3

Canca jucha illacmi cangui. ¡Israelcuna alli nishcami causangui!

SALMOS 94:3

Mandac Dioslla, ¿ima horascamantac canta mana manchaccuna cushicungayari? ¿Ima horascamantac chashna cachun saquinguiyari?

JEREMÍAS 14:9

¿Ima nishpatac mancharishpa imatapish mana ruhuai pudic runa shina tucungui? ¿Ima nishpatac shuc sinchi runa mana quishpichi pudic shina tucungui? Shina cashpapish, Mandac Dioslla, canca ñucanchic-huanmi cangui. Ñucanchicca cambac shutipi cayashcami canchic. ¡Ñucanchictaca ama saquichu!

LAMENTACIONES 3:8

Ñuca yallita caparishpa mañacpipish, ñuca mañashcata mana uyasha ninchu.

ZACARÍAS 1:12

Shina nicpimi, Mandac Diospac angelca: —Tucuita Mandac Dioslla, Jerusalenpi, Judá llacta pueblocunapi causaccunahuanca canchis chunga huatacunatami piñashca cangui. ¿Ima horascamantac mana llaquishpa piñacunguilla?— nirca.

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.