HABACUC 1:16 - Dios Rimashcata Quillcashcami

¹⁶ Chaimantami paicunapac linchiman animaltapish, inciensotapish rupachinga. Chai linchihuanmi ima charinacunata yallita mirachirca. Shinallatac sumac micunatami micurca.

HABACUC 1:16 ပူးပေါင်းရင်းမြစ်များ

SALMOS 22:29

Cai allpa pachapi causac tucui chayuccunaca cambac ñaupapimi cumuringacuna. Huañushpa allpa tucunalla gentecunapish, quiquinllatac mana causaita chari pudiccunapish tucuimi cambac ñaupapi cumuringa.

ISAÍAS 37:24

Canta serviccunatami Diosta camichishcangui. Chashna cachashpaca: ‘Ñucapac carretacunahuanmi urcu lomacunaman, Líbano urcu jahuaman rircani. Chaipimi cedro yuracunata, ashtahuan alli ciprés yuracunata tigrachircani. Ashtahuan jahua urcu lomaman, sumac quihua pambamanmi rircani.

JEREMÍAS 44:17

Ashtahuanpish ñucanchic shimihuan imata nishcatami ruhuashpa causashun. Ñucanchic ñaupa taitacunapish, jatun mandaccunapish, shuctac mandaccunapish, Judá llactacunapi, Jerusalén plazacunapimi jahua pacha jatun mandac huarmi diosman inciensota rupachic carcanchic. Vinotapish tallishpami cuc carcanchic. Chashna ruhuashpami achca granota pucuchic carcanchic. Ima llaquipish mana causarcanchicchu.

JEREMÍAS 44:8

Cancunaca Egipto llactapi causangapac yaicumushpaca cancuna ruhuashca shuctac dioscunaman inciensota rupachishpa, ñucata piñachishcamantami cancunallatac tucuringuichic. Shinami shuctac llacta gentecunapac mana alli nishca, burlashca causanguichic.

EZEQUIEL 28:3

¿Canca Danielta yalli yachacchu cangui? ¿Canca mana yachaipac, imapish pacallata yachanguichu?

EZEQUIEL 29:3

“Mandac Diosca: Egipto llactata jatun mandac Faraonlla, canhuanca piñarishcami cani. Canca yacu chaupipi tiyacuc dragón shinami cangui. Canca: ‘Nilo yacuca ñucapacmi, ñucami ruhuarcani’ ninguimi.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

HABACUC 1:11

Chai quipaca acapana huaira shina yaicushpami, tucui tucuchinga. Paicunapac diosca fuerzami can» nirca.

DEUTERONOMIO 8:17

Chaimanta pacta cancunapac shungupi: “Ñucanchic sinchi cashcamanta, ñucanchic sinchi maquimantami caicunataca charinchic” ninguichicman.