HABACUC 1:12 - Dios Rimashcata Quillcashcami

¹² Mandac Dioslla, jucha illac Dioslla, canca, ¿manachu imapish manarac tiyacpi, ña tiyarcangui? ¡Shina cashcamantaca ñucanchicca mana huañushunchu! Mandac Dioslla, llaquichichunmi Babilonia runacunataca caipi churarcangui. Jatun Rumi shina Dioslla, canca llaquichinpacmi paicunataca cacharcangui.

HABACUC 1:12 ပူးပေါင်းရင်းမြစ်များ

GÉNESIS 21:33

Abrahamca Beerseba pambapimi tamarisco yurata tarpurca. Chaipimi huiñaita causac Mandac Diosta mañarca.

2 REYES 19:25

Ñaupa huatacunamanta pachami caitaca ruhuarcani. Utcumanta pachami chaita ruhuangapac allichishpa shamuni. Chaitami cunanca ruhuani. Chaimantami canca muyundi pircashca pueblocunata tuñishpa montón, montonta ruhuangui ¿Caitaca manachu yacharcangui?

SALMOS 102:24

Chashna ruhuacpimi ñucaca: «Ñuca Dioslla, ama ñuca causana chaupi punzhacunata quichuichu. ¡Cambac huatacunaca huiñai huiñaitami can!»

SALMOS 118:17

Mana huañushachu, ashtahuanpish Mandac Dios imata ruhuashcacunata huillangapacmi causasha.

SALMOS 149:2

Israelcuna, cancunata ruhuac Dios-huan cushicuichicyari. Sión pueblopi causaccunapish cancunata jatun Mandac-huan cushicuichicyari.

SALMOS 17:13

¡Mandac Dioslla jatariyari! ¡Paicunahuan shayarishpa, paicunata cungurichiyari! Millai gentecunapac maquimanta cambac espadahuan quishpichiyari.

SALMOS 18:1

Mandac Dioslla, cantaca cuyanimi. Canca ñucapac jarcarina jatun pirca shinami cangui.

SALMOS 74:12

Shina cashpapish Dioslla, ñaupa punzhacunamantami ñuca jatun mandac cangui. Canmi cai pachapica jatun macanacuita atishpa quishpichic cangui.

SALMOS 90:1

Jatun Dioslla, tucui huahua huahuacunapac miticunami cangui.

SALMOS 90:2

Urcucuna manarac tiyacpi, shinallatac cai pachatapish manarac ruhuashpami canca ña tiyashcangui. Ñaupamanta huiñaicamanmi Dios cangui.

SALMOS 93:2

Can mandanaca ñaupamanta pachami sinchi tiyacun. Canca huiñaita causac Diosmi cangui.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 37:26

Chaicunataca utca huatacunallatac ruhuasha nishcata, utca punzhacunallatac yuyaricushcata, ¿manachu yacharcangui? Chaicuna cunan pactachunmi munani. Canmi muyundita jarcashca llactacunataca urmachishpa, rumi montonllata saquingui.

ISAÍAS 40:28

Huiñaita causac Diosca Mandac Diosmi. Chaitaca, ¿manachu yacharcanguichic? ¿Manachu uyashcanguichic? Paimi tucui cai pachataca ruhuarca. Paica mana shaicunchu, mana fuerza illac saquirinchu. Paipac yuyaitaca pi mana yachai pudinchu.

ISAÍAS 43:15

Mandac Dios ñucami, cancunapac jucha illac Dios cani. Israel llactata callarichic, cancunata Jatun Mandacmi cani» nin.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

JEREMÍAS 30:11

Canta quishpichingapacca canhuanmi casha. Ñucami canta caita chaita cacharcani. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami taripasha. Canta llaquichinataca manatac saquishachu. Chaitaca Mandac Dios ñucami nini» ninmi.

JEREMÍAS 4:27

Mandac Diosca: «Tucui llactata tucuchishpapish, mana tucuita tucuchishachu.

JEREMÍAS 46:28

Ñucata servic Jacobolla, ñucami canhuan cani. Chaimanta ama manchaichu. Canta ñuca llucchishpa cachacpi, caita chaita rishpa causana llactacunataca tucuchigrinimi. Shina cashpapish cantaca mana tucui tucuchishachu. Ñuca caita, chaita cachacpimi, shuctac llactacunapi causacungui. Tucui chai llactacunatami tucuchisha. Ashtahuanpish cantaca mana tucuchishachu. Chaipac randica, cashcata ruhuashpami llaquichisha. Canta llaquichinataca manatac saquishachu» ninmi.

JEREMÍAS 5:18

Mandac Diosca: «Shina cacpipish, chai punzhacunapica, mana tucuitachu tucuchisha.

LAMENTACIONES 5:19

Mandac Dioslla, ashtahuanpish canca huiñaitami mandangui. Can mandashpa tiyarinaca huahua huahuacamanmi canga.

EZEQUIEL 30:25

Babilonia llactata jatun mandacpac rigrata sinchiyachishpami, Faraonpac rigrataca fuerza illacta saquisha. Babilonia llactata jatun mandacpac maquipi ñuca espadata churashpami, Egipto llactata llaquichisha.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

HABACUC 3:2

Mandac Dioslla, can rimashcata uyashpaca mancharircanimi. Mandac Dioslla, can ruhuashcacunata ricushpa mana amirinimi. ¡Ñaupa huatacunapi ruhuashcata cunan punzhacunapi ricuchiyari! Can piñarishca cashpapish llaquiyari.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

MALAQUÍAS 3:6

Mandac Diosca: «¡Ñucaca mana shuctacyanichu. Chaimantami Jacobopac huahuacunataca mana tucuchircani!

HECHOS 3:14

Jucha illac, cashcata ruhuac Runata cacharichun ninapac randica, huañuchic runatami cacharichun nircanguichic.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

DEUTERONOMIO 33:27

Canta cuidacca huiñaita causac Diosmi. Huiñaita causac Diospac rigrapish, cai pachacamanmi can. Paimi canta piñaccunataca catishpa cachacushpaca: “¡Tucurichic!” ninga.

1 TIMOTEO 1:17

¡Chaimanta huiñaita causacuc Jatun Mandac, jaicapi mana chingaric, pipish mana ricushca, shuclla Diostaca, huiñai huiñaita “allimari cangui, sumacmari cangui” nishunchicyari! Chashna cachun.

1 TIMOTEO 6:16

Paillami huiñaita causacca. Pipish mana ricuipac luzpi causacmi. Paitaca pipish jaicapi mana ricushcachu, shinallatac mana ricui pudingachu. ¡Paitaca huiñaita alli nishca, tucuita Mandacpish nishca cachun! Chashna cachun.

HEBREOS 13:8

Jesucristoca sarunpish, cunanpish, huiñai huiñaipacpish Paillatacmi.

APOCALIPSIS 1:11

«Ñucami callari A shina, tucuri Z shina callarichicpish, tucurichicpish cani. Cai can ima ricushcataca shuc libropi quillcashpa, Asia llacta canchis pueblopi causac tandanacushca criccunaman cachai. Chaicunaca Efeso, Esmirna, Pérgamo, Tiatira, Sardis, Filadelfia, shinallatac Laodicea pueblocunami can» nirca.

APOCALIPSIS 1:8

Sarunpish, cunanpish, shinallatac shamucpish tucui imatapish ruhuac Mandac Diosca: «Ñucami callari A shina, tucuri Z shina tucuita callarichicpish, tucuchicpish cani» ninmi.

1 SAMUEL 2:2

Mandac Dios shina jucha illacca mana tiyanchu. Canmanta ashtahuan shucca mana tiyanchu. Ñucanchic miticuna rumi shina Diosca mana tiyanchu.