GÉNESIS 7:11 - Dios Rimashcata Quillcashcami

¹¹ Noeca sucta patsac huatayuc cacpi, chai huata callarishca ishcai quilla, chunga canchisniqui punzhapimi allpa ucumantapish yacuca timbushpa llucshirca. Jahua pachamantapish yacu punguta pascac shinami tamyai callarirca.

GÉNESIS 7:11 ပူးပေါင်းရင်းမြစ်များ

GÉNESIS 1:7

Chashnami Diosca shuc parte yacutaca jahuaman, shuc parte yacutaca uraman chicanyachicta ruhuarca. Chashnami saquirirca.

GÉNESIS 6:17

Riqui, tucui cai pachapi causaita chariccunata tucuchingapacmi cai pachamanca yacu juizhuta cachagrini. Chaipica tucui cai pachapi causaccunami huañunga.

GÉNESIS 7:6

Cai pachapi yacu juizhu tiyacpica, Noeca sucta patsac huatayucmi carca.

GÉNESIS 8:14

Ishcai quilla, ishcai chunga canchis punzha tucucpica, allpaca ña chaquishcami carca.

GÉNESIS 8:2

Allpa ucumanta llucshic yacupish jahua pachamanta shamuc tamyapish pararircami.

2 REYES 7:19

Diospac runa chashna nicpimi, jatun mandacta tucuipi servicca: «Mandac Dios jahua pacha ventanacunata pascacpipish, chashnaca mana tucungachu» nishca carca. Shina nicpimi, Eliseoca: «Riqui, chaitaca cambac ñahuihuantacmi ricungui. Shina ricushpapish chaicunataca mana micunguichu» nishca carca.

2 REYES 7:2

Shina nicpimi, jatun mandacta tucuipi servicca Eliseotaca: —Mandac Dios jahua pacha ventanacunata pascacpipish, chashnaca mana tucungachu— nirca. Shina nicpimi paica: —Chaitaca cambac ñahuihuantacmi ricungui. Shina ricushpapish chaicunataca mana micunguichu— nirca.

JOB 12:15

Pai mana tamyachicpica, tucuimi chaquin. Pai yallita tamyachicpica, allpa ucuyanmi.

JOB 28:4

Paicuna causacushcamanta caruta rishpami jutcuta ruhuashpa mashcancuna. Pi mana purina shitashca pambacunapimi huascahuan huarcurishpa trabajancuna.

JOB 38:16

¿Canca mama cucha callari pushtuman yaicushcanguichu? ¿Chai amsa ucuta ricsishpa purishcanguichu?

JOB 38:37

¿Pitac jahua pachapi tiyac puyucunata yupangapac yachaita charin? ¿Pitac jahua cielopi tinajata puctic shina tamyachishpa,

SALMOS 33:7

Paimi mama cucha yacucunataca montonashpa charin. Tucui jatun yacucunatami huacaichishpa churan.

SALMOS 74:15

Canmi yacu junducunatapish, callpac yacucunatapish llucchircangui. Pi mana jarcaipac jatun yacutapish chaquichircangui.

PROVERBIOS 3:20

Tucuita yachac cashpami, jatun mama cuchatapish raquirca. Jahua pacha puyumantami tamyapish urman.

ISAÍAS 24:18

Jahua pachamanta ventanata pascashpa, manchana llaquita cachacpica, miticushpa callpacushpaca jutcupimi urmanga. Chaimanta llucshishpaca tucllapimi japi tucunga. Cai pacha allpapish tucuimi cuyuringa.

ISAÍAS 24:19

Cai pachaca tucui ñutuchishpa tucushcami canga. Tucui cai pachapimi yallita manchai tiyanga.

JEREMÍAS 5:22

¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.

JEREMÍAS 51:16

Pai rimacpica, yacucunapish jahua pachapi tulun nishpa uyarinmi. Huairatapish, puyutapish tucui cai pachamanta huichaiman apanmi. Paillatacmi relampa jaguin nishpa tamyachin.

EZEQUIEL 26:19

Mandac Dios ñucaca: Canca pipish mana causana llactacuna shinami, llaquinayaita shitashca saquiringui. Mama cuchamanta yacuta cachashpami cantaca tucuchisha.

MALAQUÍAS 3:10

Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

SAN MATEO 24:38

Chai punzhapi manarac yacu juizhu callaricpica, gentecunaca micushpa, ubiashpa, cazarashpa causacurca. Chashnami Noé huambuc huasiman yaicungacamanca carca.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

2 PEDRO 3:6

Shinallatac ñaupaca yacu juizhullahuantacmi, cai pachapi ima tiyashcatapish tucuchirca.