GÉNESIS 50:23 - Dios Rimashcata Quillcashcami

²³ Chaimantami Efrainpac churicuna quimsa miraicaman mirashcata ricsirca. Chashnallatac Manasespac churi Maquirpac huahuacunapish paipac maquipimi huiñarca.

GÉNESIS 50:23 ပူးပေါင်းရင်းမြစ်များ

GÉNESIS 30:3

Chaimantami Raquelca: —Riqui, ñucata servic Bilha huarmipi chayari. Pai huicsayuc tucushpa, ñuca changa jahuapi sajuaricpica, chai huahuaca ñuca quiquin huahua shinami canga. Chashnami paimanta huahuata chari pudisha— nirca.

GÉNESIS 48:19

Chaimantami taitaca: —¡Huahua, ñucaca yachanillatacmi! Manasespish tucuita yalli jatun llactami tucunga. Shina cacpipish, paipac quipa huauquimi punta huauquita atishpa, ashtahuan jatun nishca canga. Paipac huahuacunaca achcata mirarishpami, jatun llactacuna tucunga— nishpami, mana chashna churasha nirca.

GÉNESIS 49:12

Paipac ñahuica vino colormi canga. Quiruca leche shina, yuranllami canga.

GÉNESIS 50:22

Joseca Egiptomi paipac taitapac familiahuan causarca. Joseca patsac chunga huatatami causarca.

1 CRÓNICAS 7:14

Manasespac churicunaca: Asriel, shinallatac Maquirmi carca. Chai churicunataca Siria llactamanta paipac caishuc huarmipimi charirca. Maquirca Galaadpac taitami carca.

JOB 42:16

Job alliyashca quipaca patsac chuscu chunga huatatami causarca. Jobca paipac churicunatapish, nietocunatapish, charishpami, chuscuniqui mirai huahuacunatapish ricurca.

SALMOS 128:6

Cambac churicunapac churicunatapish ricungacamanmi causangui. ¡Israelcunamanca cushi causai tiyachun!

PROVERBIOS 17:6

Yuyaccunapac sumac coronaca nietocunami. Shinallatac huahuacunapac cushicunaca taita mamami.

NÚMEROS 32:33

Paicuna shina nicpimi, Moisesca Gadpac, Rubenpac aillucunaman, Josepac churi, Manasespac chaupi aillumanpish amorreocunata jatun mandac Sehón mandacushca, jatun mandac Og mandacushca llactacunata, chai llactacuna ucupi tiyac llactacunandi, llacta muyundi llactacunandi curca.

NÚMEROS 32:39

Manasespac, Maquirpac aillucunaca Galaadman rishpami, chaipi causac amorreocunata llucchishpa cachashpa, chai llactata japirca.

JOSUÉ 17:1

Manasesca Josepac punta churimi carca. Chaimantami Manasespac aillumanca suerteta ruhuashpa Galaad, Basán llactacunata curca. Manasespac punta churica Maquirmi carca. Paica Galaad llactapi causaccunapac taitami carca. Macanacunatapish allita yachacmi carca.