GÉNESIS 50:21 - Dios Rimashcata Quillcashcami

²¹ Chaimanta ama manchaichicchu, ñucami cancunamanpish, cancunapac huahuacunamanpish micunata carasha— nirca. José paipac huauquicunata chashna sumacta rimacpimi, paicunapac shungupish cushicurca.

GÉNESIS 50:21 ပူးပေါင်းရင်းမြစ်များ

GÉNESIS 34:3

Chai mosoca Jacobopac ushi Dinata tucui almahuan cuyashpami, pai rimashcacunahuan Dinapac shungupi yaicurca.

GÉNESIS 45:5

Cunanca, ama llaquirichicchu. Caiman catushpa cachashcamantapish ama shungupi nanarichicchu. Mana cancunapac munaimantachu cacharcanguichic, ashtahuanpish Diosmi cancuna ama yarcaihuan huañuchun, ñaupachishpa ñucataca cacharca.

GÉNESIS 47:12

Shinallatac Joseca paipac taitamanpish, huauquicunamanpish, tucui paipac familiamanpish mashna huahuacunata ricushpa, micunataca pacta pactami curca.

GÉNESIS 50:22

Joseca Egiptomi paipac taitapac familiahuan causarca. Joseca patsac chunga huatatami causarca.

2 CRÓNICAS 30:22

Ezequiasca Mandac Diosta servingapac tucui alli yuyaita charic levitacunatami paicunapac shungupi chayacta rimarca. Jatun fiesta punzhapi micungapac huañuchishca aichataca canchis punzhacamanmi micurcacuna. Dios-huan alli tucungapac animalcunata cushpa huañuchishca shinallatac paicunapac ñaupa taitacunata Mandac Diosta pagui nishpami micurcacuna.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

SAN MATEO 5:44

Ashtahuanpish ñucaca: Piñaccunata cuyaichic, shinallatac cancunata llaquichiccunamanta Diosta mañaichic ninimi

SAN MATEO 6:14

Shuccuna ima mana allita ruhuashcata perdonacpica, jahua pachapi tiyac cancunapac Diospish cancunata perdonangami.

1 TESALONICENSES 5:15

Shuccuna cancunata ima mana allita ruhuacpica, cancunapish ama chashnallatac ruhuaichicchu. Chaipac randica punzhanta cancunapurapipish, tucui gentecunahuanpish allita ruhuaichic.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Camishpa rimacpipish, ama cancunapish camishpa rimaichicchu. Chaipac randica Dios allicunata cuchun nishpa munaichic. Diosca allicunata chasquichunmi, cancunataca cayarca.

JUECES 19:3

Chaimantami paipac cusaca sumacta rimashpa inquitashpa cutichimungapac Belenman catirirca. Chashnami shuc servictapish, ishcai burrocunatapish, apashpa rirca. Chaipica chai huarmica paipac taitapac huasiman yaicuchircami.