GÉNESIS 50:18 - Dios Rimashcata Quillcashcami

¹⁸ Cutin Josepac huauquicunapish paipacman chayashpa, paipac ñaupapi pambacaman cumurishpaca: —Cunanca, canta servingapacmi caipi canchic— nirca.

GÉNESIS 50:18 ပူးပေါင်းရင်းမြစ်များ

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

GÉNESIS 41:43

Quipaca Faraonca paipac shuctac carretapi Joseta huichicuchishpami: «¡Josepac ñaupapica cungurichicyari!» nishpa caparirca. Shinami Josetaca tucui Egipto llactata mandachun churarca.

GÉNESIS 42:6

Josemi chai llactataca mandacurca. Paillatacmi tucui shuctac llactamanta shamuc gentecunamanpish granota catucurca. Chashna catucpimi, paipac huauquicuna chayashpaca, pambacaman cumurirca.

GÉNESIS 44:14

Judaca José huasipi cacpiracmi, paipac huauquicunahuan chayarca. Chashna chayashpami, Josepac ñaupapi pambacaman cumurirca.

GÉNESIS 45:3

Joseca paipac huauquicunataca: —Ñucaca Josemi cani. Ñuca taitaca, ¿causacunracchu?— nirca. Chashna nicpica, paicunaca upayashpa, imatapish mana ni pudircacunachu.

GÉNESIS 50:17

“Cambac huauquicuna canta llaquichishpa juchallishcataca perdonachun” ningui. Cantaca llaquichircatacmi. Cunanca, cambac taitapac Diosta serviccuna mana allita ruhuashcata perdonai ningui— nirca. Chashna nicpica, Joseca huacarcami.

GÉNESIS 50:19

Chashna nicpimi Joseca: —Ama manchaichicchu. Ñuca cancunata llaquichingapacca, ¿Dioschu cani, imtacyari?