GÉNESIS 5:29 - Dios Rimashcata Quillcashcami

²⁹ Chai huahuataca: «Dios allpata mana alli nishcamanta allpapi yalli ñucanchic rigracunahuan sinchita trabajacucpimi, samachinga» nishpami Noeta shutichirca.

GÉNESIS 5:29 ပူးပေါင်းရင်းမြစ်များ

GÉNESIS 5:28

Lamecca patsac pusac chunga ishcai huatayuc cashpami, shuc churita charirca.

GÉNESIS 5:30

Lamecca Noé churita charishca quipaca pichca patsac iscun chunga pichca huatata causashpami churicunatapish, ushicunatapish charirca.

GÉNESIS 7:23

Shinami gentecunapish, sacha animalcunapish, pambata aisarishpa puric animalcunapish, jahuata volac animalcunapish huañurca. Shina cacpipish, huambuc huasiman Noehuan yaicuccunaca mana huañurcachu.

GÉNESIS 9:24

Noé maillacyashpaca paipac quipa churi Cam imata ruhuashcatami yachac chayarca.

ISAÍAS 54:9

Noé causai punzhacunapi “cai pachataca cutinca yacuhuanca mana tucuchishachu” nishpami ari nircani. Chai shinallatacmi “cutin piñarishpa, mana rimarisha” nishpami, ari nircani.

EZEQUIEL 14:14

Noé, Daniel, Job cai llactapi causanman carca, cai quimsa runacunallami paicuna cashcata ruhuaccuna cashcamanta quishpirinman. Chaitaca Mandac Dios ñucami nini.

EZEQUIEL 14:20

Mandac Dios ñuca shutipimi nini: Noé, Daniel, Job chaipi cacpipish, shuc churillapish, shuc ushillapish mana quishpirinmanchu. Ashtahuanpish paicunallami cashcata ruhuac cashcamanta quishpirinman.

SAN MATEO 24:37

Ima shinami Noé causai punzhacunapi tucurca, chashnallatacmi Runa Tucungapac shamushca ñuca cutimuna punzhapish canga.

SAN LUCAS 3:36

Salaca Cainanpac churi, Cainanca Arfaxadpac churi, Arfaxadca Sempac churi, Semca Noepac churi, Noeca Lamecpac churimi carca.

ROMANOS 8:20

Tucui Dios ruhuashcacunaca, mana paicuna munaimantachu yangalla tucurca, ashtahuanpish Diosmi punzhanta shuyachun chashnaca ruhuarca.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

1 PEDRO 3:20

Chai almacunaca ñaupa taita Noé huambuc huasita ruhuangacaman, Dios manarac piñarishpa, shuyacui punzhacunapi mana cazuc gentecunami carca. Chai punzhacunaca pusaccunallami yacullapitac quishpirircacuna.

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.