GÉNESIS 49:33 - Dios Rimashcata Quillcashcami

³³ Jacobo tucui paipac churicunata mandashpaca, cutin camapi siririshpami, changacunata tandashpa, ñaupa taitacunahuan tandanacugrirca.

GÉNESIS 49:33 ပူးပေါင်းရင်းမြစ်များ

GÉNESIS 15:5

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

GÉNESIS 25:17

Ismael tucui causashca huatacunaca patsac quimsa chunga canchis huatami carca. Paipish samaita chingachishpa huañushpami, paipac aillucunahuan tandanacugrirca.

GÉNESIS 25:8

Abrahamca achca huatacunata causashpa, yallita yuyacyashpami, paipac samaita chingachishpa huañurca. Chashna huañushpami, paipac aillucunahuan tandanacugrirca.

GÉNESIS 35:29

Isaacca achca huatacunata causashpa, ña yuyac cashcamanta paipac samai tucuricpi, huañushpaca, paipac ñaupa aillucunahuanmi tandanacugrirca. Paitaca paipac churi Esaú, Jacobomi enterrarca.

GÉNESIS 49:1

Jacobo paipac churicunata cayashpaca: «Tandanacumuichic, cancuna quipaman ima tucuna cashcata huillasha.

GÉNESIS 49:29

Chaimantami Jacoboca paipac churicunataca: «Ñucaca huañunallami cani. Ña huañucpica, ñuca ñaupa taitacuna enterrashca jutcullapitac enterranguichic. Paicunataca heteocunapura Efronpac allpapimi enterrarca.

GÉNESIS 49:32

Chai allpataca chaipi tiyac jutcucunandimi Hetpac churicunaman randirca» nirca.

GÉNESIS 50:1

Taita Jacobo huañucpica, Joseca paipac taitata ucllarishpami, huacashpa mucharca.

2 REYES 13:14

Eliseoca huañuna ungüihuanmi yallita ungurca. Israel llactata jatun mandac Joasca ricungapacmi urai shamurca. Paipac ñaupapi huacashpaca: —¡Ñuca taitalla, ñuca taitalla! ¡Canca macanacuna carretacunata, caballopi ric soldadocuna shinamari israelcunapacca cangui!— nirca.

2 REYES 13:20

Eliseo huañucpica, enterrarcami. Shuc huata quipami tandanacushpa shuhuac moabitacuna macanacunahuan Israel llactaman shamurca.

JOB 14:10

Ashtahuanpish runa huañushpaca, tucurinmi. Samai chingarishpaca, ¿maimanshi rin?

JOB 30:23

Canca ñucataca huañuiman, tucui causaccuna huañushpa, rina llactaman apacushcatami yachani.

JOB 5:26

Cosechanalla trigota sinchirac cacpi tandashca shinami, sinchirac cacpi enterrana jutcuman apashca cangui.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

SAN LUCAS 2:29

«Dioslla, can mandashpa nishca shina, canta servic runataca cushicuihuan huañuchun saquilla.

HECHOS 7:15

Chaimantami taita Jacoboca Egipto llactapi causangapac rirca. Chaipimi paipish, paipac churicunapish huañurca. Paicunaca ñucanchic ñaupa taitacunami carca.

HEBREOS 11:22

Crishcamantami Josepish ña huañugricushpaca, Egipto llactamanta israelcuna llucshina cashcata huillashpaca, chai llactamanta paipac tullucunata apachun mandarca.

HEBREOS 12:23

jahua pacha libropi quillcashca, Diospac punta huahuacuna tandanacushcaman chayarcanguichic. Shinallatac tucuita taripashpa ricuchic Diospacman, cashcata ruhuaccunata Dios allita ruhuashca almacunapacmanmi chayarcanguichic.