GÉNESIS 43:32 - Dios Rimashcata Quillcashcami

³² Chashna nicpimi, Josemanca chican mizapi, cutin Jacobopac churicunamanca chican mizapi cararca. Utcapi Josehuan micuc Egipto runacunamanpish chican mizapimi cararca. Egipto runacunaca hebreocunahuan micunataca millanayachicmi carca. Chaimantami paicunahuan tandanacushpaca mana micuc carca.

GÉNESIS 43:32 ပူးပေါင်းရင်းမြစ်များ

GÉNESIS 31:54

Chai quipami Jacoboca animalta urcupi huañuchishpa, paipac huasi ucupuracunaman carangapac cayarca. Tucui paicunami chaipi micushpa, chai tutaca pacarirca.

GÉNESIS 43:16

Joseca Benjaminta paicunahuan cacta ricushpami, paipac mayordomotaca: —Cai runacunata ñuca huasiman pushai, shinallatac shuc vacata huañuchishpa, micunata yanui. Cunan chaupi punzhaca paicunaca ñucahuanmi micunga— nirca.

GÉNESIS 46:34

cancunaca: “Canta servic ñucanchicca, ñucanchic ñaupa taitacuna shinallatac huambramanta pacha animalcunata michishpa causaccunami canchic” ninguichic. Shinami Gosén llactapi causai pudinguichic. Egipto runacunaca tucui ovejata michiccunataca millanayachishpa piñancunami— nirca.

ÉXODO 8:26

Shina nicpimi Moisesca: —Mana chai shina ruhuanachu canchic. Chashna animalta huañuchishpa, Mandac Diosman cushpaca, Egipto runacunamanca millanatami ruhuashun. Chai shina paicunapac ñaupapi ruhuacpica, ¿manachu rumicunahuan shitashpa huañuchinga?