GÉNESIS 43:22 - Dios Rimashcata Quillcashcami

²² Ashtahuan granota randingapacpish cullquita apamurcanchicmi. Shina cashpapish, chai punta shamuipi ñucanchic tulucunapi cullquita pi churashcataca mana yachanchicchu— nirca.

GÉNESIS 43:22 ပူးပေါင်းရင်းမြစ်များ

GÉNESIS 42:27

Ashtahuanpish samanaman chayashpaca, paicunapuramanta shucca paipac tuluta pascashpami, granota llucchishpa burroman caragrirca. Shina caragricushpami, tulu shimillapi cullquita tarirca.

GÉNESIS 43:12

Cullquitaca cutimushca cullquimanta chaupihuan yallita apaichic. Tulu shimipi cutishca cullquica pacta pandarishca canman. Chaita cutichingapac apaichic.

GÉNESIS 43:21

Ñucanchic samanaman chayashpa, tulucunata pascacpica, ñucanchic cullquica tucuimi tiyacushca carca. Chaitami cunanca cutichingapac shamunchic.

GÉNESIS 43:23

Shina nicpimi, chai mayordomoca: —Ama manchaichicchu, cushilla chai cullquihuanca saquirichiclla. Cancunapac, shinallatac cancunapac taitapac Diosllatacmi cancunapac tulupi cullquita churashpa cushca. Ñucaca cancuna cushca cullquitaca chasquircanimi— nirca. Chashna nishpami, Simeonta llucchishpa, paicunaman curca.