GÉNESIS 43:20 - Dios Rimashcata Quillcashcami

²⁰ parlashpaca: —Ñucanchic mandaclla, punta cutinca ñucanchicca granota randingapactacmi shamurcanchic.

GÉNESIS 43:20 ပူးပေါင်းရင်းမြစ်များ

GÉNESIS 42:10

Shina nicpimi paicunaca: —Mana, ñucanchic amito, canta servic ñucanchicca granota randingapacllami shamurcanchic.

GÉNESIS 42:27

Ashtahuanpish samanaman chayashpaca, paicunapuramanta shucca paipac tuluta pascashpami, granota llucchishpa burroman caragrirca. Shina caragricushpami, tulu shimillapi cullquita tarirca.

GÉNESIS 42:3

Shina nicpimi, Josepac chunga huauquicunaca Egipto llactapi trigota randingapac rirca.

GÉNESIS 42:35

Paicuna tulu granota tallicucpica, paicunapac quiquin tulucunapica tucui tulucunapimi uchilla tulitopi cullquica tiyacushca carca. Paicunapac tulucuna cullquihuan tariricpica, paicunapish, taita Jacobopish mancharircami.

GÉNESIS 43:19

Chaimantami paicunaca chai huasi yaicunaman cuchuyashpa, Josepac mayordomohuan

GÉNESIS 43:21

Ñucanchic samanaman chayashpa, tulucunata pascacpica, ñucanchic cullquica tucuimi tiyacushca carca. Chaitami cunanca cutichingapac shamunchic.

GÉNESIS 43:3

Shina nicpimi Judaca: —Chai mandacca cutin cutinmi: “Cancunapac huauquita mana pushamushpaca, ñuca ñahuipi amatac ricuringuichicchu” nirca.

GÉNESIS 43:7

Shina nicpimi paicunaca: —Chai mandacca ñucanchicmantapish, ñucanchic familiamantapish tapushpaca: «¿Cancunapac taitaca causacunracchu? ¿Shuctac huauquita charinguichicchu?» nishpa tapurca. Shina tapucpica, pai tapushca shinallatacmi huillarcanchic. Ñucanchicca: «Cancunapac huauquita pushamunguichic» nigricushcataca, ¿ima shinatac yachanchicman carca?— nirca.

1 REYES 3:17

Chai huarmicunamanta shucca: —¡Aij, ñucata mandaclla! Ñucapish cai huarmipish shuc huasillapimi causanchic. Ñucaca paihuan chai huasipi cashpami, shuc huahuata charircani.