GÉNESIS 42:28 - Dios Rimashcata Quillcashcami

²⁸ Shina tarishpami, paipac huauquicunataca: —¡Riquichic, ñuca cullquitaca cutichishcami! ¡Riquichic, ñuca tulupimi cashca!— nirca. Shina nicpica, tucui paicunami shungu chucchushpa, yallita mancharishpa, caishuc chaishuc tapunacushpaca: —¿Imatac caica? ¿Diosca imatatac ruhuarca?— nircacuna.

GÉNESIS 42:28 ပူးပေါင်းရင်းမြစ်များ

GÉNESIS 27:33

Shina nicpimi, Isaacca achca manchaihuan chucchushpa: —¿Pitac can manarac shamucpi, caiman shamushpa, aicha yanushcata cararcayari? ¡Ñami bendiciarcani! ¡Paimi bendiciashca saquirin!— nirca.

GÉNESIS 42:29

Canaanman chayashpa, taita Jacoboman tucui ima tucushcacunata parlashpaca:

GÉNESIS 42:36

Chaimantami Jacoboca: —Cancunaca, ñucataca churi illactamari saquicunguichic. Josepish chingarircami, shinallatac Simeonpish ña illanmi. Cunanca, Benjamintapish pushashun ninguichicmi. ¡Tucui chaicunaca ñucamanmi llaqui!— nirca.

GÉNESIS 43:23

Shina nicpimi, chai mayordomoca: —Ama manchaichicchu, cushilla chai cullquihuanca saquirichiclla. Cancunapac, shinallatac cancunapac taitapac Diosllatacmi cancunapac tulupi cullquita churashpa cushca. Ñucaca cancuna cushca cullquitaca chasquircanimi— nirca. Chashna nishpami, Simeonta llucchishpa, paicunaman curca.

1 REYES 10:5

Shinallatac paipac micunatapish, paita serviccuna causana ucucunatapish, chai serviccunapac churanacunatapish, paiman ima shina vinota cuc cashcatapish ricurcami. Shinallatac Mandac Diospac huasipi animalcunata cushpa tucui rupachictapish ricurcami. Chaita ricushpami, yallita mancharishpa saquirirca.

SALMOS 61:2

Ñuca shungu huañugricucpica, allpa tucurimantami canta caparisha. Ñucataca yalli jatun rumi jahuaman pushaiyari.

CANTARES 5:6

Ñuca cuyashcata yaicuchingapac punguta pascacpica, paica ñami rishca carca. Pai rimashcata uyashpaca, ñuca almaca catishpami llucshirca. Mashcashpapish mana tarircanichu, cayacpipish mana cutichircachu.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

LAMENTACIONES 2:17

Mandac Diosca pai ruhuasha nishcataca pactachishcami. Ñaupa huatacunapi pai huillashca shinami, mana llaquishpa tucui tucuchirca. Piñaccunaca canta ricushpa, burlashpami jatun tucurca.

LAMENTACIONES 3:37

Mandac Dios mana mandacpica, ¿pitac imata huillanga?

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

SAN LUCAS 21:26

Cai pachapi yalli llaquicuna catipi shamucpi, jahua cielopi tiyaccunapish chucchucpimi, gentecunaca yallita mancharishpa, yuyaita chingachinga.

DEUTERONOMIO 28:65

Chai llactapica mana samaringuichicchu. Chaqui plantapish mana samaringachu. Cancuna chaipi cacpica, Mandac Diosca cancunapac shungupica manchaitami churanga. Chaimantami llaquilla shungu puringuichic. Llaquilla ñahuicunami puringuichic.