GÉNESIS 42:27 - Dios Rimashcata Quillcashcami

²⁷ Ashtahuanpish samanaman chayashpaca, paicunapuramanta shucca paipac tuluta pascashpami, granota llucchishpa burroman caragrirca. Shina caragricushpami, tulu shimillapi cullquita tarirca.

GÉNESIS 42:27 ပူးပေါင်းရင်းမြစ်များ

GÉNESIS 24:25

Ñucanchic huasipica cancuna tuta samarinapish, shinallatac camellocuna micuna ucshapish achcami tiyan— nirca.

GÉNESIS 42:26

Chaimantami paicunaca granota burrocunapi apachishpa chaimanta llucshirca.

GÉNESIS 42:35

Paicuna tulu granota tallicucpica, paicunapac quiquin tulucunapica tucui tulucunapimi uchilla tulitopi cullquica tiyacushca carca. Paicunapac tulucuna cullquihuan tariricpica, paicunapish, taita Jacobopish mancharircami.

GÉNESIS 43:18

Shina Josepac huasiman pushacpimi, paicunaca mancharishpa: —Punta shamuipi ñucanchic tulucunapi cullquita cutichishpa apashcamantami ñucanchictaca tucllahuan shina japishpa, burrocunandi paita servichun pushamushca yuyachin— ninacurca.

GÉNESIS 44:11

Shina nicpimi, utcashpa paicunapac tulucunata pambaman uricuchishpa, tucui mashna pascarca.

ÉXODO 4:24

Moisés cutishpa, ñanpi samaricucpimi, Mandac Diosca shuc tuta tupangapac llucshishpa, paita huañuchisha nirca.

SAN LUCAS 10:34

Chaimantami runapacman cuchuyashpa, chugrita aceitehuan, vinohuan jambishpa, pañohuan pilluchirca. Chashna ruhuashpaca, paipac burropi tiyachishpami, pozana huasiman apashpa cuidarca.

SAN LUCAS 2:7

Pozana huasi mana pactashcamantami, paipac punta cari huahuataca huagracuna shayana ucupi sajuarirca. Chai huahuataca maitushpami, ucsha jahuallapi sirichirca.