GÉNESIS 42:18 - Dios Rimashcata Quillcashcami

¹⁸ Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

GÉNESIS 42:18 ပူးပေါင်းရင်းမြစ်များ

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

GÉNESIS 39:9

Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

GÉNESIS 42:19

Cancuna mana juchanchina gentecuna cashpaca, cancunapuramanta maijan shuc prezu saquirichic. Caishuccunaca granota apashpa, huasi ucupura micugrichic.

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 5:9

ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

ÉXODO 1:17

Shina mandacpipish, comadronacunaca Diosta manchashcamantami Egipto llactata jatun mandac nishcata mana ruhuashpa, cari huahuacunataca mana huañuchishpa saquircalla.

ÉXODO 18:21

Israelcunapuramanta Diostapish manchac, cashcata ruhuac, cullquita japinata mana yalli munac runacunata acllai. Paicunamanta shuccunataca huaranga runata, shuccunataca patsac runata, shuccunataca pichca chunga runata, shuccunataca chunga runata ricuchun churai.

LEVÍTICO 25:17

Cancunapuramanta maijan cashpapish ama umanguichicchu. Chaipac randica, Mandac Dios ñucata manchaichic. Ñucaca cancunata Mandac Diosmi cani.

LEVÍTICO 25:43

Chaimanta paicunataca ama sinchita mandashpa charinguichu, ashtahuanpish cambac Dios ñucata manchangui.

SAN LUCAS 18:2

«Shuc pueblopimi, Diostapish mana manchac, pitapish mana llaquic shuc juez causarca.

SAN LUCAS 18:4

Juezca pai mañashcata mana utca ruhuarcachu. Ashtahuanpish juez shungupi yuyarishpaca: “Diostapish mana manchanichu, pitapish mana llaquinichu.