GÉNESIS 41:56 - Dios Rimashcata Quillcashcami

⁵⁶ Tucui Egipto llactapimi yarcaica tiyarca. Chaimantami Joseca granota huacaichishcata pascashpa, Egipto llactapi causaccunaman catui callarirca. Egipto llactapi ashtahuan yarcai caticpimi, chashnaca ruhuarca.

GÉNESIS 41:56 ပူးပေါင်းရင်းမြစ်များ

GÉNESIS 12:10

Chai llactapi yalli yarcai tiyashcamantami Abramca Egiptopi causangapac rirca.

GÉNESIS 41:30

Quipa canchis huatacunapi ima mana pucucpimi, yallimana yarcaimi tiyanga. Chashna ima grano mana pucucpimi, ñaupaman tucui Egipto allpapi achca pucushcataca mana yuyaringacuna. Chai yarcaimi tucui llactapi causaccunata llaquichishpa tucuchinga.

GÉNESIS 41:35

Paicunami cai achca pucuc huatapica tandachishpa, can Faraonpac maquipi huacaichinga. Chashna llactacunapi huacaichicpimi, quipaman micunaca tiyanga.

GÉNESIS 41:55

Tucui Egipto llactapi causaccunata yarcai japicpica, Faraonmanmi micunata cui ningapac rircacuna. Shina ricpimi, Faraonca tucui Egiptopi causaccunataca: «Josepacman rishpa, pai ima nishcata ruhuaichic» nirca.

GÉNESIS 41:57

Tucui llactacunapi ashtahuan yarcai tiyacpimi, micunata Joseman randingapac Egipto llactaman shamurca.

GÉNESIS 42:6

Josemi chai llactataca mandacurca. Paillatacmi tucui shuctac llactamanta shamuc gentecunamanpish granota catucurca. Chashna catucpimi, paipac huauquicuna chayashpaca, pambacaman cumurirca.

GÉNESIS 43:1

Canaanpica yalli yarcaimi catirca.

ISAÍAS 23:17

Canchis chunga huata quipaca, Mandac Diosca Tiro llactapi causaccunataca cutin catushpa, randishpa causachunmi saquinga. Chaimantami paicunaca cai pachapi tiyac tucui llactacunahuan cutinllatac huainayanga.

ZACARÍAS 5:3

Shina nicpimi angelca: —Chaipica tucui cai pachapi causaccuna llaqui tucunatami quillcashca. Chai pillushca carapi shuc ladopi nicushca shinallatacmi shuhuaccunaca tucuchinga. Caishuc ladopi imata nicushca shinallatacmi llullashpa ari niccunapish tucuchinga.

SAN LUCAS 21:35

Cai pachapi causaccunataca, shuc tucllahuan japic shinami chai punzhaca chayamunga.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.