GÉNESIS 40:20 - Dios Rimashcata Quillcashcami

²⁰ Quimsa punzha quipaca jatun mandac Faraonpac huacharishca punzha pactacpimi, jatun mandacca tucui paita serviccunaman jatun micuita caracurca. Chai serviccunapac ñaupapimi, vinota serviccunata mandacta, shinallatac tandata ruhuaccunata mandacta carcelmanta llucchimuchun cacharca.

GÉNESIS 40:20 ပူးပေါင်းရင်းမြစ်များ

GÉNESIS 21:8

Isaac ña huiñacpica, chuchumanta raquircami. Chuchumanta raquishca punzhami Abrahamca jatun micuita ruhuarca.

GÉNESIS 40:13

Quimsa punzha quipami Faraonca carcelmanta llucchishpa, cutinllatac Faraonman ima ruhuanata ruhuacushcallapitac churanga. Chaipimi canca utcapi ima shina Faraonman vinota servic cashca shinallatac servingui.

GÉNESIS 40:19

Quimsa punzha quipami jatun mandac Faraonca sipina yurapi huarcushpa huañuchinga. Chaipimi cambac aichataca volac animalcuna shamushpa micunga— nirca.

1 REYES 3:15

Salomón riccharishpaca, muscuilla cashcatami yuyarca. Chaimantami Jerusalenman cutishpa, Mandac Dios ari nishcata huacaichina Arca ñaupapi Diosman animalcunata cushpa, huañuchishpa tucui rupachirca. Dios-huan alli cangapacpish animalta cushpa huañuchircami. Chai quipaca jatun micuita ruhuashpami tucui paita serviccunaman cararca.

2 REYES 25:27

Judá llactata jatun mandac Joaquín quimsa chunga canchis huatata prezu causacucpimi, Evil-merodacca Babilonia llactata jatun mandac tucurca. Paimi mandai callarishca chunga ishcai quilla, ishcai chunga canchic punzhapi Joaquintaca carcelmanta llucchirca.

ESTER 1:3

Quimsa huatata mandacushpami paipac quipa mandaccunaman, paita serviccunaman shuc jatun micuita ruhuarca. Chaipica Persia llactamanta, Media llactamanta macanacuc sinchi runacuna, shuctac mandaccuna shinallatac, llactata mandaccunami paihuan carca.

JOB 3:1

Chai quipami Jobca pai huacharishca punzhataca mana alli nishpa rimarirca.

SALMOS 105:19

Dios huillashca pactangacaman huichcashca carca. Mandac Dios rimashcami José ima shina cacta ricuchicurca.

JEREMÍAS 52:31

Jatun mandac Evil-merodac Babilonia llactata mandai callaricpica, Judá llactata jatun mandac Joaquinca quimsa chunga canchis huatatami Babilonia llactapi prezu carca. Chai huata, chunga ishcai quilla, ishcai chunga pichca punzhami Judá llactata jatun mandac Joaquintaca carcelmanta llucchirca.

SAN MATEO 14:6

Herodesca pai huacharishca punzhata yuyarishpami cayashcacunahuan cushicucurca. Chaipimi Herodiaspac huahuaca, tucuipac ñaupapi bailarca. Chaica ricushpami, Herodesca cushicurca.

SAN MATEO 25:19

Chai amo tauca huatacuna quipa cutimushpaca, paipac serviccuna mashna cullquita mirachishcatami tapurca.

MARCOS 6:21

Herodías munashca punzhami chayarca. Chaica, Herodesmi pai huacharishca huata pactacpi, fiestata ruhuashpa, llactata mandaccunatapish, soldadocunata mandaccunatapish, Galilea llactata pushaccunatapish jatun micuiman cayarca.