GÉNESIS 38:29 - Dios Rimashcata Quillcashcami

²⁹ Shina cacpipish, chai huahuapac maquica cutin chingaricpimi, caishuc huauquirac llucshirca. Chaimantami comadronaca: «Can ñanta pascashcamantaca Fares shutimi cangui» nirca.

GÉNESIS 38:29 ပူးပေါင်းရင်းမြစ်များ

GÉNESIS 38:28

Sajuarina punzhapica shuc huahuami maquita llucchirca. Chaimantami comadronaca shuc puca puchcahuan maquipi huatashpaca: «Paimi punta llucshic» nirca.

GÉNESIS 46:12

Judapac churicunaca: Er, Onán, Sela, Fares, Zarami carca. Shinallatac Er, Onanca Canaán llactapimi huañurca. Farespac churicunaca: Hezrón, Hamulmi carca.

1 CRÓNICAS 2:4

Judá, paipac nuera Tamarpi charishca churicunaca Fares, Zerami carca. Judaca pichca churitami charirca.

1 CRÓNICAS 9:4

Judapac huahua huahuapuramantaca Utaimi cutimurca. Paica Amihudpac churi, Amihudca Omripac churi, Omrica Imripac churi, Imrica Banipac churimi carca. Banica Farespac huahua huahuapuramantami carca. Faresca Judapac churimi carca.

NEHEMÍAS 11:4

Judapac, Benjaminpac huahua huahuacunaca Jerusalenpimi maijancunaca causarcacuna. Judapac huahua huahuacunapuramantaca: Ataiasca Uziaspac churi, Uziasca Zacariaspac churi, Zacariasca Amariaspac churi, Amariasca Sefatiaspac churi, Sefatiasca Mahalaleelpac churimi carca. Mahalaleelca Farespac huahua huahuapuramantami carca.

NEHEMÍAS 11:6

Jerusalenpi causac Farespac huahua huahuacunaca chuscu patsac sucta chunga pusac macanacuc runacunami carca.

NÚMEROS 26:20

Judapac ailluta catishpa yupashcaca caicunami: Selamantaca selanita aillu, Faresmantaca faresita aillu, Zeramantaca zeraita aillumi carca.

SAN MATEO 1:3

Judaca Tamar huarmipica Fares churita shinallatac Zara ushitami charirca. Faresca Esrom churitami carca. Esromca Arampac churitami charirca.

SAN LUCAS 3:33

Naasonca Aminadabpac churi, Aminadabca Arampac churi, Aramca Esrompac churi, Esromca Farespac churi, Faresca Judapac churimi carca.

RUT 4:12

Cambac huasipi cai huarmi charishca huahuacunataca Mandac Dios Fares runapac huasi familiapi shina achcata mirachichun. Faresca Tamar huarmipi charishca Judapac huahuami can— nirca.