GÉNESIS 38:24 - Dios Rimashcata Quillcashcami

²⁴ Quimsa quilla quipami Judamanca: —Cambac nuera Tamarca maijan carihuanchari chayarishpa, huicsayuc tucushcami— nishpami huillarca. Shina huillacpimi Judaca: —¡Chaimanta llucchishpa, rupachichic!— nirca.

GÉNESIS 38:24 ပူးပေါင်းရင်းမြစ်များ

GÉNESIS 20:3

Ashtahuanpish Dios tuta muscuipi ricurishpami, jatun mandac Abimelectaca: «Riqui, chai huarmita apamushcamantaca huañugringuimi. Chai huarmica cusayucmi» nirca.

GÉNESIS 20:7

Cunanca, cai huarmita paipac cusaman cutichi. Paica ñuca ima nishcata huillacmi. Paica can ama huañuchunmi, ñucata mañanga. Cai huarmita mana cutichishpaca, canpish, canhuan causaccunapish huañunguichictacmi» nirca.

GÉNESIS 20:9

Chai quipa Abimelecca Abrahamta cayachishpaca: —¿Imatatac ruhuarcangui? Ñucatapish, ñuca mandacuc llactatapish jatun juchata ruhuachingapac shamuchunca, ¿ñucanchicca cantaca ima millaitatac ruhuashcanchicyari? Mana ruhuana cashcatami ruhuashcangui.

GÉNESIS 34:31

Shina nicpimi paicunaca: —¿Ñucanchic panitaca cullquimanta huainayac huarmi shinatachu ruhuana carca?— nirca.

GÉNESIS 38:23

Shina nicpimi Judaca: —Shinashpaca ama pi ñucanchicta pingaichichunca, chai japishcacunahuan saquirichun. Ñucaca cai chivota cacharcanimi, shinapish canca mana tarishcanguichu— nirca.

2 SAMUEL 12:5

Shina nicpimi, Davidca chai chayuc runahuanca nina japiric shina piñarishpa Natantaca: —¡Mandac Diospac shutipimi nini: Maijan chaita ruhuacca huañunatacmi can!

2 SAMUEL 12:7

Shina nicpimi, Natanca Davidtaca: —Chai runaca canllatacmi cangui. Israelcunata Mandac Diosca: “Ñucami aceitehuan cahuishpa, israelcunata mandac cachun churarcani. Cambac amo Saulpac maquimantapish quishpichircanimi.

ECLESIASTÉS 7:26

Tuclla shina, linchi shina shunguta charic, huatana huascata shina maquita charic huarmica huañuitapish yalli jayac cactami ricurcani. Diosta cushichic runallami chai huarmimantaca quishpiringa. Ashtahuanpish juchayuc runaca, chai huarmihuanmi prezushca shina saquiringa.

JEREMÍAS 2:20

Utcamanta pachami yugota paquishpa, coyundatapish pitircangui. Shina ruhuashpaca: “¡Mana servishachu!” nircanguimi. Chashna nishca jahuami lomacunapi, jatun yura ucucunapi huainayac huarmi shina sirirircangui.

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

EZEQUIEL 16:15

Ashtahuanpish canca sumac cashcata yuyashpami, pipish chaita pasaccunahuan huainayarcangui. Chashnami paicunapaclla tucurcangui.

EZEQUIEL 16:25

Tucui ñancunapi altarcunata ruhuashpa, yallita mapayashpami cambac sumac cuerpotaca mapayachircangui. Chashnami tucui chaita pasaccunahuan yallita mapayashpa catircangui.

EZEQUIEL 16:26

Vecino Egipto runacunahuan yallita huainayashpami ñucata piñachircangui.

EZEQUIEL 16:28

Chashna huainayashpapish mana amirishpami, asiriocunahuanpish huainayarcangui. Paicunahuan huainayashpapish mana amirircanguichu.

EZEQUIEL 16:41

Cambac huasicunatapish rupachingami. Achca huarmicunapac ñaupapimi cantaca llaquichinga. Shina llaquichicpimi, huainayanatapish, cuyashcacunaman paganatapish saquingui.

EZEQUIEL 23:19

Huambrarac cashpa, Egipto llactapi huainayashcata mana cungarishpami, yallita huainayashpa catirca.

EZEQUIEL 23:44

Cullquimanta huainayac huarmipacman shamuc shinami, chai mana pingac Ohola, Oholiba huarmicunapacmanca shamurcacuna” nircani.

EZEQUIEL 23:5

Oholaca ñucapac cashpapish ñucata shitashpami asiriocunata yallita cuyai callarirca.

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

OSEAS 3:3

Chashna randishpami: «Canca tauca huatacunatami ñucahuan cangui. Ama huainayanguichu, shuctac carihuanpish ama chayaringuichu. Chaicunata mana ruhuacpica, ñucaca canhuami casha» nircani.

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

LEVÍTICO 21:9

Curapac ushi cullquimanta huainayashpaca, paipac taitatami mapayachin. Chaimantaca paitaca causactami rupachina can.

ROMANOS 14:22

Can imata crishcataca canllatacmi Diospac ñaupapi charina cangui. Maijanpish paipac yuyaipi mana juchanchishca cashcamanta alli yuyacmanca, ¡mai cushicuimi!

DEUTERONOMIO 24:16

Taitacunaca mana churicunapac juchamantaca huañungachu. Churicunapish mana taitacunapac juchamanta huañungachu. Ashtahuanpish quiquin juchamantaca, quiquinllatacmi huañunga.

JUECES 19:2

Ashtahuanpish caishuc huarmica paihuan piñarishpami, Judá llacta Belén puebloman rishpa paipac taitapac huasipi causagrirca. Chaipimi chuscu quillata causacurca.